ÚT er komin bókin Ritgerðir og pistlar eftir Sigfús Daðason . Hér eru samankomnar nær allar greinar Sigfúsar um menningarmál frá yfir fjörutíu ára tímabili.
ÚT er komin bókin Ritgerðir og pistlar eftir Sigfús Daðason .

Hér eru samankomnar nær allar greinar Sigfúsar um menningarmál frá yfir fjörutíu ára tímabili. Sigfús er eitt af höfuðskáldum íslenskra bókmennta, maður nýjunga og umbyltinga í ljóðagerð á ofanverðri tuttugustu öld. Hann var einnig ritstjóri og bókaútgefandi um áratuga skeið og áhrifamaður í umræðu um menningu og listir hér á landi og um þessi mál fjalla margar greinanna. Hér er einnig að finna fræga ritgerð Sigfúsar, "Til varnar skáldskapnum", og greinar um verk Halldórs Laxness og Þórbergs Þórðarsonar sem eru meðal þess merkasta sem um skáldskap þeirra hefur verið ritað.

Þorsteinn Þorsteinsson valdi efnið, bjó bókina til útgáfu og ritar inngang og skýringar.

Útgefandi er Forlagið. Kápuhönnun annaðist Börkur Arnarson. Bókin var umbrotin í Offsetþjónustunni og prentuð í Odda hf. Bókin er 375 bls. Leiðbeinandi verð: 4.490 krónur.