Atli Björn Gústafsson og Lovísa Ósk Ragnarsdóttir, Gulltoppi, í flokki unglinga I-II 12-15 ára A.
Atli Björn Gústafsson og Lovísa Ósk Ragnarsdóttir, Gulltoppi, í flokki unglinga I-II 12-15 ára A.
[ Smellið til að sjá stærri mynd ]
DANSHÁTÍÐIN í Laugardalshöll á sunnudag verður dansinum á Íslandi örugglega mikil lyftistöng. Hápunktur sýningarinnar var dans finnsku Evrópumeistaranna í suður-amerískum dönsum.
DANSHÁTÍÐIN í Laugardalshöll á sunnudag verður dansinum á Íslandi örugglega mikil lyftistöng. Hápunktur sýningarinnar var dans finnsku Evrópumeistaranna í suður-amerískum dönsum. Þeim var óspart fagnað, reyndar svo mjög að þakið virtist ætla að rifna af Höllinni.

Á síðasta ári var haldin mikil danshátíð, í tilefni þess að Dansskóli Jóns Péturs og Köru var á sínu 10. starfsári. Þessi hátíð heppnaðist vel og var glæsileg í alla staði, hvergi var til sparað. Hápunktur hátíðarinnar þá var danssýning Markúsar og Karenar Hilton, margfaldra heimsmeista í sígildum samkvæmisdönsum. Pars sem nánast allir dansarar horfa upp til og hafa sem fyrirmynd.

Aðspurð hvers vegna skólinn hafi ákveðið að endurtaka leikinn nú, svaraði Kara því að áhorf á keppnina og áhugi hafi farið fram úr björtustu vonum manna og margir hafi jafnframt hvatt þau til að láta ekki deigan síga og standa fyrir annarri slíkri hátíð. Ég tel það vera fagnaðarefni að efnt skuli til hátíðar á ný með engu minni glæsibrag en í fyrra.

Dans eins og hann gerist bestur

Danshátíð Dansskóla Jóns Péturs og Köru fór fram sunnudaginn 12. nóvember sl. í Laugardalshöllinni í Reykjavík. Var Höllin þéttskipuð áhorfendum sem nutu þess að horfa á dans eins og hann gerist beztur.

Boðið var upp á danskeppni í öllum aldursflokkum, frá 9 ára og yngri upp í flokk 35 ára og eldri og voru keppendur vel á þriðja hundraðið. Flest af sterkustu pörum okkar Íslendinga tóku þátt í keppninni, sem var hörð og spennandi í flestum aldursflokkum.

Einnig var boðið upp á fjölbreytt skemmtiatriði og var þar á meðal sýning barna og unglinga frá öllum dansskólum á höfuðborgarsvæðinu á dansinum Súperman og La Luna. Það var gaman að sjá svona margt ungt og efnilegt dansáhugafólk stíga á stokk og sýna listir sínar. Eins var mjög vel æft, skemmtilegt og áhrifaríkt atriði frá Jazzballetskóla Báru, sem Irma Gunnarsdóttir samdi.

Ekki má gleyma þætti Adams og Karenar Björgvinsdóttur. Þau eru eina íslenzka parið sem keppir í flokki atvinnumanna og hafa þau verið að gera garðinn frægan á erlendri grundu, t.d. með þátttöku í hinni vinsælu og fjölsóttu sýningu "Burn the Floor". Ég hafði ekki séð þau dansa mjög lengi og fannst spennandi að fá sjá þau á gólfinu núna. Parið brást svo sannarlega ekki vonum mínum, sýningin var einstaklega skemmtileg og vel útfærð.

Rúsínan í pylsuendanum og lokaatriði hátíðarinnar var sýning Jukka Happalainen og Sirpa Suutari frá Finnlandi, Evrópumeistaranna í suður-amerískum dönsum, sýning sem ég hefði ekki vilja missa af fyrir nokkurn mun. Ég hef aldrei séð suður-ameríska dansa dansaða af slíkri innlifun og glæsileik. Frábært atriði og óhætt að segja að þau hafi slegið í gegn í Höllinni, því þakið ætlaði að rifna af við fagnaðarlætin.

Keppnin gekk mjög vel að öllu leyti og stóðu keppendur sig með stakri prýði og var sérlega gaman að sjá áhuga og einbeitingu keppenda á gólfinu. Keppnir sem þessar eru líka gott veganesti til framtíðar fyrir unga og efnilega nemendur, en reynslan skiptir ákaflega miklu máli, þegar kemur að stórkeppnum. Íslendingar eru farnir að ryðja sér verulega til rúms í dansheiminum. Skemmst er að minnast þess að Ísak Nguyen og Helga Dögg Helgadóttir unnu til Norðurlandatitils í Espoo í Finnlandi nýlega, svo og Jónatan Örlygsson og Hólmfríður Björnsdóttir, sem unnu einnig sinn flokk í Finnlandi.

Danshátíð sem þessi er mikil lyftistöng fyrir dansíþróttina á Íslandi og ástæða er til að óska Dansskóla Jóns Péturs og Köru til hamingju með frábært framtak.

Úrslit

Börn I, A/D-riðill. Cha, cha, cha

1. Alex F. Gunnarss./Vala B. Birgisd. DSH

2. Sævar Þ. Sigfúss./Ragna B. Bernburg DJK/GT

3. Guðmundur F: Böðvarss./Yrsa P. Ingólfsd. DSM/DÍH

4. Davíð Ö. Pálss./Elísabet Jónsd. DSH

5. Sigurður M. Atlas./Sara Jakobsd. DSM/KV

Börn II, A-riðill. Cha, cha, cha, jive

1. Stefán Víglundss./Andrea R. Sigurðard. DHÁ/Ýr

2.Valdimar Kristjánss./Rakel Guðmundsd./HV

3. Jón E. Gottskálkss./Elín H. Jónsd. DSM/KV

4. Alexander Mateev/Olga E. Þórarinsd. DJK/GT

5. Ingimar F. Marinóss./Alexandra Johansen DJK/GT

Börn II, D-riðill. Cha, cha, cha, jive

1. Edda B. Jónsd./Helga Haraldsd. DJK/GT

2. Anna G. Ingad./Sandra R. Vignisd. DJK/GT

2. Álfrún E. Hallsd./Hrönn Hafliðad. DJK/GT

4. Ólöf K. Helgad./Jóhanna A. Arnórsd. DHÁ/Ýr

5. Bryndís J. Hamilton/Íris D. Andrésd. DJK/GT

6. Hrund Ólafsd./Rut Kristjánsd. DJK/GT

Unglingar I+II A-riðill. Cha, cha, cha, jive

1. Andri B. Róbertss./Inga H. Ólafsd. DJK/GT

2. Theodór Kjartanss./Thelma D. Ægisd. DHÁ/Ýr

3. Atli B. Gústafss./Lovísa Ó. Ragnarsd. DJK/GT

4. Marinó Sigurðss./Berta Gunnarsd./HV

5. Erlingur Einarss./Gerður H. Arinbjarnard. DJK/GT

5. Steinar Ólafss./Ragnheiður Árnad. DHÁ/Ýr

Unglingar I+II, D-riðill. Cha, cha, cha, jive

1. Gunnhildur H. Steinþórsd./Hildigunnur Steinþórsd. DJK/GT

2. Steinunn Reynisd./Aðalheiður Svavarsd. DHÁ/Ýr

3. Anita T. Helgad./Arna S. Ásgeirsd. DHÁ/Ýr

Fullorðnir I+II, A-riðill. Cha, cha, cha, jive

1. Pétur Bauer/Sædís Halldórsd. DJK/GT

2. Sveinbjörn Hjálmarss./Sóley H. Árnad. DJK/GT

3. Karl Skarphéðinss./Kristín Harðard. DJK/GT

4. Þorvaldur Þórss./Ástdís Sveinsd. DJK/GT

5. Sigurður Erlingss./Ingibjörg Sigurþórsd. DJK/GT

Ungmenni, D-riðill. Cha, cha, cha, jive

1. Snjólaug Gunnarsd./Sunna K. Ingvad. DJK/GT

Börn I, K-riðill, sígildir samkv.

1. Jökull Örlygss./Denise M. Hannesd. DSM/KV

Börn II, K-riðill. Latin

1. Haukur F. Hafsteinss./Hanna R. Ólad. HV

2. Björn I. Pálss./Ásta B. Magnúsd. DSM/KV

3. Eyþór S. Þorbjörnss./Ásrún Ágústsd. HV

4. Jakob Þ. Grétarss./Anna B. Guðjónsd. HV

5. Aðalsteinn Kjartanss./Erla B. Kristjánsd. DSM/KV

6. Fannar H. Rúnarss./Edda G. Gíslad. HV

Unglingar I, F-riðill. Suður-amerískir

1. Jónatan A. Örlygss./Hólmfríður Björnsd. DJK/GT

2. Þorleifur Einarss./Ásta Bjarnad. DJK/GT

3. Friðrik Árnas./Sandra J. Bernburg DJK/GT

4. Baldur K. Eyjólfss./Erna Halldórsd. DJK/GT

5. Ásgrímur G. Logas./Bryndís M. Björnsd. DJK/GT

6. Stefán Claessen/María Carrasco DJK/GT

Unglingar I, F-riðill. Sígildir samkv.

1. Jónatan A. Örlygss./Hólmfríður Björnsd. DJK/GT

2. Friðrik Árnas./Sandra J. Bernburg DJK/GT

3. Þorleifur Einarss./Ásta Bjarnad. DJK/GT

4. Baldur K. Eyjólfss./Erna Halldórsd. DJK/GT

5. Ásgrímur G. Logas./Bryndís M. Björnsd. DJK/GT

6. Stefán Claessen/María Carrasco DJK/GT

Unglingar II, F-riðill. Suður-amerískir

1. Sigurður R. Arnarss./Sandra Espersen/HV

2. Agnar Sigurðss./Elín D. Einarsd. DSM/KV

3. Davíð M. Steinarss./Sóley Emilsd. DJK/GT

Unglingar II, F-riðill. Sígildir samkv.

1. Davíð G. Jónss./Helga Björnsd. DJK/HV

2. Agnar Sigurðss./Elín D. Einarsd. DSM/KV

3. Sigurður R. Arnarss/Sandra Espersen HV

4. Davíð M. Steinarss./Sóley Emilsd. DJK/GT

5. Björn V. Magnúss./Björg Halldórsd. DSM/KV

Áhugamenn, F-riðill. Sígildir samkv.

1. Ísak H. Nguyen/Helga D. Helgad. /HV

2. Hilmir Jenss./Ragnheiður Eiríksd. DJK/GT

3. Hannes Þ. Egilss./Sigrún Ýr Magnúsd. DJK/GT

Fullorðnir. Suður-amerískir

1. Björn Sveinss./Bergþóra M. Bergþórsd. DJK/GT

2. Ólafur Ólafss./Hlíf Þórarinsd. DJK/GT

3. Eggert Claessen/Sigrún Kjartansd. DJK/GT

4. Jón Eiríkss./Ragnhildur Sandholt DJK/GT

Fullorðnir. Sígildir samkv.

1. Björn Sveinss./Bergþóra M. Bergþórsd. DJK/GT

2. Jón Eiríkss./Ragnhildur Sandholt DJK/GT

Jóhann Gunnar Arnarsson