Nú hefjum við gönguna á nýju ári og hlökkum til þriðjudagskvöldanna í Laugarneskirkju, þar sem fullorðinsfræðslan og þriðjudagar með Þorvaldi opna okkur og öllum, sem með vilja vera, góða leið að kristnu samfélagi þar sem trú og lífsviðhorf eru krufin...

Nú hefjum við gönguna á nýju ári og hlökkum til þriðjudagskvöldanna í Laugarneskirkju, þar sem fullorðinsfræðslan og þriðjudagar með Þorvaldi opna okkur og öllum, sem með vilja vera, góða leið að kristnu samfélagi þar sem trú og lífsviðhorf eru krufin til mergjar og lofgjörðin nærir sálina.

Viðfangsefni vorannar fullorðinsfræðslunnar verður umfjöllun um þann veruleika sem fátækt og einsemd er í samfélagi okkar. Við munum fá sérfrótt fólk á mörgum sviðum til að kynna okkur þekkingu sína um þessi málefni og leitast við að greina vandann í ljósi heilbrigðrar skynsemi eins og hún birtist í kristinni siðfræði og trú. Vonumst við svo til þess að geta haldið málþing nær páskum um þetta knýjandi málefni.

Athugið að gengið er inn um austurgafl kirkjunnar til fullorðinsfræðslunnar en annars um aðaldyr kirkju.

Reykjavíkurprófastsdæmi eystra og vestra: Hádegisverðarfundur presta í Bústaðakirkju kl. 12 mánudag.

Háteigskirkja. Spjallstund mánudag kl. 10-12 í Setrinu á neðri hæð safnaðarheimilis fyrir eldri borgara með Þórdísi þjónustufulltrúa. Eldri borgarar grípa í spil mánudaga kl. 13.30-16 í Setrinu á neðri hæð safnaðarheimilisins.

Laugarneskirkja. 12 spora hóparnir mánudag kl. 20 í gamla safnaðarheimilinu, gengið inn að austanverðu.

Neskirkja. Starf fyrir 6-9 ára börn mánudag kl. 14-15. TTT-starf (10-12 ára) kl. 16.30. Húsið opið frá kl. 16.

Seltjarnarneskirkja. Æskulýðsfélagið (8., 9. og 10. bekkur) kl. 20-22.

Árbæjarkirkja. Æskulýðsfélag fyrir 13 ára (fermingarbörn vorsins 2001) kl. 20-21.30. Æskulýðsfélag, eldri deildir 9. og 10. bekkingar, kl. 20-21.30. Kirkjuprakkarar 7-9 ára kl. 16-17 á mánudögum. TTT-starf fyrir 10-12 ára kl. 17-18 á mánudögum.

Fella- og Hólakirkja. Starf fyrir 9-10 ára drengi á mánudögum kl. 17-18. Æskulýðsstarf fyrir 9.-10. bekk á mánudögum kl. 20-22.

Grafarvogskirkja. Bænahópur kl. 20. Tekið er við bænarefnum í kirkjunni alla daga frá kl. 9-17 í síma 587-9070. Mánudagur: KFUK fyrir stúlkur 9-12 ára kl. 17.30-18.30.

Hjallakirkja. Æskulýðsfélag fyrir 8. bekk kl. 20.30 á mánudögum. Prédikunarklúbbur presta í Reykjavíkurprófastsdæmi eystra er á þriðjudögum kl. 9.15-10.30. Umsjón dr. Sigurjón Árni Eyjólfsson.

Seljakirkja. Fundur í æskulýðsfélaginu Sela kl. 20 fyrir unglinga 13-16 ára.

Hafnarfjarðarkirkja. Æskulýðsstarf, yngri deild, kl.20.30-22 í Hásölum.

Fríkirkjan í Hafnarfirði. Æskulýðsfélag 13 ára og eldri kl. 20-22.

Vídalínskirkja. 10-12 ára starf fyrir drengi í samstarfi við KFUM kl. 17.30 í safnaðarheimili.

Krossinn. Almenn samkoma í Hlíðasmára 5 kl. 16.30. Allir velkomnir.

Hvammstangakirkja. KFUM og K starf kirkjunnar mánudag kl. 17.30 á prestssetrinu.

Fríkirkjan Vegurinn. Fjölskyldusamkoma kl. 11. Brauðsbrotning, léttur hádegisverður eftir samkomuna. Samkoma kl. 20, brauðsbrotning. Félagar frá YWAM skóla í Danmörku verða gestir okkar. Högni Valsson prédikar. Allir hjartanlega velkomnir.

Hvítasunnukirkjan Fíladelfía. Brauðsbrotning kl. 11. Ræðumaður Vörður L. Traustason. Almenn samkoma kl. 16.30. Lofgjörðarhópurinn leiðir söng. Ræðumaður Hafliði Kristinsson. Barnakirkja fyrir 1-9 ára börn meðan á samkomu stendur. Allir hjartanlega velkomnir.

Landakirkja í Vestmannaeyjum. Mánudag kl. 16.50 æskulýðsstarf fatlaðra, yngri hópur. Ólafur Jóhann.

Víkurprestakall í Mýrdal. Fermingarfræðsla á mánudögum kl. 13.45.

Frelsið, kristileg miðstöð . Almenn fjölskyldusamkoma sunnudaga kl. 17.