Ljúfi! gef mér lítinn koss, lítinn koss af munni þínum! Vel ég mér hið vænsta hnoss - vinur, gef mér lítinn koss! Ber ég handa báðum oss blíða gjöf á vörum mínum. Ljúfi! gef mér lítinn koss, lítinn koss af munni þínum!

Ljúfi! gef mér lítinn koss,

lítinn koss af munni þínum!

Vel ég mér hið vænsta hnoss -

vinur, gef mér lítinn koss!

Ber ég handa báðum oss

blíða gjöf á vörum mínum.

Ljúfi! gef mér lítinn koss,

lítinn koss af munni þínum!

Kossi föstum kveð ég þig,

kyssi heitt mitt eftirlæti,

fæ mér nesti fram á stig -

fyrst ég verð að kveðja þig.

Vertu sæll! og mundu mig,

minn í allri hryggð og kæti!

Kossi föstum kveð ég þig,

kyssi heitt mitt eftirlæti.

Jónas Hallgrímsson