Nicole Kidman við frumsýningu Moulin Rouge í Cannes.
Nicole Kidman við frumsýningu Moulin Rouge í Cannes.
NICOLE Kidman neyddist á dögunum til þess að falast eftir aðstoð laganna varða, til að fá frið fyrir Matthew nokkrum Hooker, sem hún segir að hafi ofsótt sig og börnin sín undanfarnar vikur.
NICOLE Kidman neyddist á dögunum til þess að falast eftir aðstoð laganna varða, til að fá frið fyrir Matthew nokkrum Hooker, sem hún segir að hafi ofsótt sig og börnin sín undanfarnar vikur. Í kjölfarið skipaði dómari Hooker að halda sig fjarri stjörnunni úr Moulin Rouge í framtíðinni.

Hooker, sem kallar sig skáld, varð bálreiður yfir þessum fáránlegu ásökunum og sagði þær með öllu ósannar. Hann áréttaði einnig að hann iðraðist einskis og myndi ekki láta af þrotlausri viðleitni sinni til að vinna hug einhverrar fagurrar Hollywood-stjörnu: "Ég geng ekki út frá því að hinar séu eins miklir lygarar og Kidman."

Þess má geta, að Hooker þessi hefur þegar verið ávíttur fyrir að ónáða Claudiu Schiffer og hefur í hyggju að bjóða sig fram til forseta Bandaríkjanna.