* MAGNÚS Agnar Magnússon , línumaður Gróttu/KR hefur framlengt samning sinn við félagið til þriggja ára eftir því sem fram kemur á heimasíðu félagsins í gær. Magnús verður því að óbreyttu hjá Gróttu/KR til vorsins 2005.
* MAGNÚS Agnar Magnússon , línumaður Gróttu/KR hefur framlengt samning sinn við félagið til þriggja ára eftir því sem fram kemur á heimasíðu félagsins í gær. Magnús verður því að óbreyttu hjá Gróttu/KR til vorsins 2005.

*MAGNÚS Þorsteinsson skoraði þrennu fyrir Keflvíkinga þegar þeir sigruðu Val , 5:1, í æfingaleik í knattspyrnu í Reykjaneshöll á föstudagskvöldið.

* KR-ingar sigruðu á minningarmótinu í innanhússknattspyrnu sem haldið var í Þorlákshöfn um síðustu helgi. Á mótinu, sem haldið var til minningar um Gunnar Jón Guðmundsson sem lést í bílslysi hinn 1. apríl aðeins 16 ára gamall, léku KR , ÍA , Ægir og Selfoss . KR og ÍA léku til úrslita á mótinu og sigruðu KR-ingar , 6:5, þar sen Sigursteinn Gíslason skoraði sigurmarkið.

* SAM Allardyce , knattspyrnustjóri Bolton , er þeirrar skoðunar að Michael Ricketts , framherji Bolton , verðskuldi að fá tækifæri með enska landsliðinu. "Hann hefur sýnt og sannað á tímabilinu að hann er framherji sem kominn er í fremstu röð. Bæði er hann mikill markaskorari auk þess sem hann hefur góða tækni og leikskilning," segir Allardyce en Ricketts skoraði tólfta mark sitt í úrvals deildinni í 3:2 tapi liðsins á móti Bolton í fyrrakvöld.

* FRAKKINN Oliver Dacourt , miðjumaður Leeds United , segist ekki vera á förum frá félaginu. Dacourt hefur verið orðaður við félög á Ítalíu en Frakkinn segist ánægður í herbúðum Leeds og vilji vera þar um kyrrt um ókomin ár.

* GONZALO Belloso , 27 ára gamall framherji frá Argentínu er kominn til reynslu hjá Everton . Walter Smith , knattspyrnustjóri Everton , hefur mikinn hug á að fá leikmanninn lánaðan út leiktíðina en hann er á mála hjá franska liðinu Strasbourg . Smith hefur átt í basli með að manna framherjastöðunar hjá sínum mönnum þar sem bæði Duncan Ferguson og Kevin Campbell eru á sjúkralistanum.

* MARIO Kempes sem gerði garðinn frægan með landsliði Argentínu sem sigraði á HM í knattspyrnu árið 1978 hefur tekið við þjálfun 4. deildar liðsins Casarano á Ítalíu . Kempes hefur m.a. þjálfað félagslið í Venesúela , Bólivíu , Austurríki og Albaníu . Kempes segir að hann taki við þjálfun liðsins af sömu ástæðu og knattpsyrnumenn nútímans - af fjárhagsástæðum.

* MARTIN O'Neill , knattspyrnustjóri Glasgow Celtic í Skotlandi , hefur tekið við afsökunarbeiðni frá breska blaðinu The Observer . Í frétt blaðsins var staðhæft að O'Neill hefði komist að leynilegu samkomulagi við Manchester United um að hann tæki við sem knattspyrnustjóri þegar Alex Ferguson hætti í vor. Blaðið hefur dregið ummæli sín til baka og lögræðingar O'Neill hafa dregið kærur á hendur blaðsins til baka.

*ENSKI landsliðsmaðurinn Steve McManaman hjá Real Madrid, lék ekki með liði sínu gegn Panathi naikos í gærkvöldi - vegna meiðsla. Hann verður frá keppni í tvær til þrjár vikur.

* PETER Schmeichel, markvörður Aston Villa, meiddist á fæti í leik gegn Leicester á laugardaginn og mun hann ekki leika með liðinu gegn West Ham í kvöld. Sjö leikmenn Aston Villa eru á sjúkralista.

* BRETT Ormerod, sem hefur skorað 20 mörk fyrir Blackpool í vetur, er kominn til Southampton til að ganga frá samning við liðið, sem bauð 1,7 millj. sterlingspunda í Orm erod.