Hundaræktarstöð til fyrirmyndar VEGNA umræðna í fjölmiðlum undanfarna daga um hundaræktunarstöðina í Dalsmynni vil ég koma því á framfæri að ég er búin að koma á hundaræktunarstöðvar um allan heim og finnst hundaræktarstöðin hennar Ástu í Dalsmynni til...

Hundaræktarstöð til fyrirmyndar

VEGNA umræðna í fjölmiðlum undanfarna daga um hundaræktunarstöðina í Dalsmynni vil ég koma því á framfæri að ég er búin að koma á hundaræktunarstöðvar um allan heim og finnst hundaræktarstöðin hennar Ástu í Dalsmynni til fyrirmyndar. Þau hjónin, og fjölskylda þeirra, eru búin að leggja aleigu sína í þetta fyrirtæki og þau veita mjög góða þjónustu. Ég á sjálf tvo hunda frá henni og eru þeir líf mitt og yndi sem ég hefði ekki viljað missa af. Fyrir nokkrum árum var ekki hægt að fá þessa hunda sem þau hafa flutt inn og ræktað. Ég vil hvetja þau hjónin til að halda áfram á þessari braut og láta þessa umfjöllun ekki á sig fá. Hvet ég almenning til að skoða starfsemina hjá þeim því hún er til fyrirmyndar.

Helena.

Hvar eru konurnar?

ÉG skrifa fyrir hönd tengdamóður minnar og leita aðstoðar við að hafa uppá eða fá fréttir af fyrrverandi samstarfskonum hennar á Íslandi. Tengdamóðir mín, Anna Sofia Mørtvedt, fædd 19.6. 1928, var í vinnu á Ullevål spítala í Ósló um 1950-51, áður en hún giftist 1953. Hún vann þar með 3 íslenskum konum, Sigríði Einarsdóttur, fædd 1906, Elínu Jónsdóttur, fædd 1912, og Unni Ingimundardóttur, fædd 13.6. 1928. Allar voru þær til heimilis í Reykjavík. Hún vildi gjarnan fá fréttir af þeim, en hún hefur ekki haft samband við þær í mörg ár. Vonast hún til að fjölskylda þeirra geti gefið henni einhverjar upplýsingar. Hægt er að hafa samband við mig á netfanginu: maritko@msn.com eða skrifa á heimilisfangið: Marit Kostøl, Eide, N-6740 Selje, Noregur.

Eins er hægt að skrifa tengdamóður minni: Anna Soie Amdam, Kirkeveien, N-6240, Ørskog, Noregur.

Með kærri kveðju til kunningja á Íslandi.

Marit Kostøl.

Myndavél í óskilum

MYNDAVÉL fannst á götunni í Frostaskjóli síðasta sumar. Finnandinn setti þá upp stóra auglýsingu á girðingarstaur, þar sem myndavélin fannst, en enginn vitjaði hennar. Upplýsingar eru veittar í síma 561-0063.

Mokkahúfa í óskilum

GRÁ nýleg mokkahúfa, kvenmanns, er í óskilum í Félagsstarfi Gerðubergs. Uppl. á staðnum hjá Guðrúnu eða í síma 575-7720.

Gullhringur týndist

GULLHRINGUR týndist líklega í Nettó í Mjódd sl. sunnudag. Finnandi hafi samband ísíma 564-1168.

Rebbi er týndur

REFASKINN týndist á Kaffibarnum laugardagskvöldið 9. febrúar. Skilvís finnandi hafi samband í síma 698-7544. Skinnsins er sárt saknað.

Mokkakápa týndist

SVÖRT mokkakápa týndist sl. laugardagskvöld á Players í Kópavogi. Skilvís finnandi hafi samband í síma 567-3697.