VIÐ talningu atkvæða í Fjarðabyggð kom í ljós að fleira hafði ratað í kjörkassana en atkvæði, þar komu líka í ljós biblíutilvitnun og tvær vísur. Í kjörkassanum var miði sem á stóð "Jesaja 41-24". Formaður yfirkjörstjórnar Fjarðabyggðar Gísli...

Ekki líst mér á þá neitt ætla því að skrópa. Þeir vilja álver yfirleitt allir upp til hópa. Aðallega eitt þeir sjá aum er þeirra saga. Álvers-asnaeyrum á alla má þá draga.

VIÐ talningu atkvæða í Fjarðabyggð kom í ljós að fleira hafði ratað í kjörkassana en atkvæði, þar komu líka í ljós biblíutilvitnun og tvær vísur.

Í kjörkassanum var miði sem á stóð "Jesaja 41-24". Formaður yfirkjörstjórnar Fjarðabyggðar Gísli M. Auðbergsson lögfræðingur fletti upp tilvitnunni í Biblíunni og þar stendur: "Sjá, þér eruð ekkert og verk yðar ekki neitt! Andstyggilegur er sá, sem yður kýs!"

Einnig komu úr kössunum tvær vísur, eftir efninu að dæma gætu þær verið ættaðar frá vinstri grænum.

Vísurnar báru yfirskriftina Frambjóðendur í Fjarðabyggð og voru eftirfarandi.

Ekki líst mér á þá neitt

ætla því að skrópa.

Þeir vilja álver yfirleitt

allir upp til hópa.

Aðallega eitt þeir sjá

aum er þeirra saga.

Álvers-asnaeyrum á

alla má þá draga.