Smári Vífilsson
Smári Vífilsson
Listasafn Íslands Leiðsögn um sýninguna Íslensk myndlist 1980-2000 verður kl. 15-16. Yfirskriftin er Samtal við listaverk og fjalla nokkrir listamenn um verk sín: Anna Líndal, Birgir Andrésson, Ilmur María Stefánsdóttir, Jón Óskar, Ólöf Nordal.
Listasafn Íslands Leiðsögn um sýninguna Íslensk myndlist 1980-2000 verður kl. 15-16. Yfirskriftin er Samtal við listaverk og fjalla nokkrir listamenn um verk sín: Anna Líndal, Birgir Andrésson, Ilmur María Stefánsdóttir, Jón Óskar, Ólöf Nordal.

Ben-hópurinn stendur fyrir dagskrá í forsal Borgarleikhússins kl. 16.30. Dagskráin er blanda af orðum og tónum, m.a. verður litið inn hjá Mozart, Gísla á Uppsölum, Matthíasi Jochumssyni og fleirum. Hópurinn kennir sig við Einar Ben, en þar eru í forsvari þau Guðrún Ásmundsdóttir leikkona og Eyvindur Erlendsson, leikstjóri.

Auk þeirra koma fram þau Guðríður Júlíusdóttir, söngkona, Haukur Guðlaugsson, organisti og Gunnar Kvaran, sellóleikari.

Bíósalur MÍR, Vatnsstíg 10 Kvikmyndin Síberíuhraðlestin verður sýnd kl. 15. Myndin var gerð í Kazakhstan á áttunda áratugnum, leikstjóri Eldar Urazbajev.

Myndin er talsett á ensku. Aðgangur er ókeypis.

Þá stendur yfir í félagsheimili MÍR sýning listakonunnar Alena Los á grafikmyndum. Sýningin er opin á sunnudögum, mánudögum og þriðjudögum kl. 15-17.

Jólaharmonikutónleikar nemenda Almenna músíkskólans verða í Ráðhúsinu kl. 14, en tónleikarnir eru einnig á vegum Harmonikumiðstöðvarinnar. Harmonikutónleikar verða kl. 16 þar sem fram koma þrjár hljómsveitir og Matthías Kormáksson leikur.

Barna- og unglingakór Hallgrímskirkju heldur aðventutónleika kl.15 í kirkjunni. Unglingakórinn flytur m.a. Ceremony of Carols eftir Benjamin Britten við undirleik Sophie Scoonjans hörpuleikara. Tónleikarnir eru á vegum Listvinafélags Hallgrímskirkju.

Háteigskirkjukórinn heldur aðventutónleika í kirkjunni kl. 20. M.a. verður frumflutt hér á landi aðventumótett eftir Josef Rheinberger og frumflutt Fyrsti söngur Jesaja eftir Jack Noble White. Þá mun nýstofnaður kvennakór flytja lag við undirleik Moniku Abendroth hörpuleikara.

Vídalínskirkja Sýningin á verkum Helga Þorgils Friðjónssonar og Helga Gíslasonar verður opnuð að lokinni messu kl. 11. Sýningin stendur til 6. janúar og verður opin alla daga kl. 10-20.

Þá verða aðventutónleikar kirkjukórsins, ásamt hljóðfæraleikurum kl. 20. Stjórnandi er Jóhann Baldvinsson organisti.

Möguleikhúsið við Hlemm sýnir tvö jólaleikrit fyrir börn : Jólarósir Snuðru og Tuðru kl. 14 og Hvar er Stekkjarstaur? kl. 16. Leikarar eru Ingrid Jónsdóttir og Bjarni Ingvarsson. Snuðru og Tuðru leika Ingibjörg Stefánsdóttir og Aino Freyja Järvelä.

Cafe Prestó, Hlíðarsmára Lína Rut sýnir olíuverk til 18. desember.

Smiðjan - Listhús Jólasýning verður opnuð kl. 16.

Álafosskvos Opnar vinnustofur verða í gamla Álafossverksmiðjuhverfinu í Mosfellsbæ frá kl. 14-18. Listamenn staðarins verða að störfum.

Ash gallerí, Varmahlíð Hrefna Harðardóttir frá Akureyri sýnir hluta af sýningu sinni Afturhvarf kl.13. Hrefna hefur haldið þrjár einkasýningar og tekið þátt í fjölda samsýninga. Sýning er opin kl. 11-18 fram að jólum.

Sankti Paulskirkja, Kaupmannahöfn Smári Vífilsson heldur tónleika kl. 20. Þetta eru þriðju tónleikar Smára í Kaupmannahöfn. Hann starfaði tímabundið við óperuna í Malmö og Konunglegu óperuna í Kaupmannahöfn sl. vetur. Á efnisskránni eru m.a. verk eftir Schubert, Händel, Sigvalda Kaldalóns og Sigurð Bragason. Undirleikarar eru Guðný Einarsdóttir og Sigrún Steingrímsdóttir.

Kirkjukór Íslenska safnaðarins í Kaupmannahöfn, undir stjórn Diljár Sigursveinsdóttur, tekur þátt í flutningi nokkurra laganna.