Húsið er 408 ferm. og stendur á miklum útsýnisstað. Lóðin er 1.027 ferm. og vel gróin með háum trjám. Ásett verð er 29,5 millj. kr., en húsið er til sölu hjá Fasteignasölu Mosfellsbæjar.
Húsið er 408 ferm. og stendur á miklum útsýnisstað. Lóðin er 1.027 ferm. og vel gróin með háum trjám. Ásett verð er 29,5 millj. kr., en húsið er til sölu hjá Fasteignasölu Mosfellsbæjar.
Mosfellsbær - Hjá Fasteignasölu Mosfellsbæjar er nú til sölu stórt og mikið 408 ferm einbýlishús á miklum útsýnisstað við óbyggt svæði í Hlíðarási í Mosfellsbæ. Ásett verð er 29,5 millj. kr.

Mosfellsbær - Hjá Fasteignasölu Mosfellsbæjar er nú til sölu stórt og mikið 408 ferm einbýlishús á miklum útsýnisstað við óbyggt svæði í Hlíðarási í Mosfellsbæ. Ásett verð er 29,5 millj. kr.

Komið er inn í flísalagða forstofu með forstofuskáp og síðan inn í stórt, opið alrými með ullarteppi á gólfi. Þetta alrými skiptist upp í stofu, borðstofu og setustofu. Til hægri úr rýminu er eldhús með góðum eldhúskrók og dúk á gólfi.

Í eldhúsi er U-laga eldhúsinnrétting úr rauðri eik en inn af eldhúsi er stórt búrherbergi. Úr eldhúsi er komið í borðstofu og úr henni er mikið útsýni. Úr borðstofu er opið inn í stofu, sem afmarkast að hluta til með fallegum arni. Úr stofunni er gengið út á mjög stórar svalir í vestur og af þeim er gríðarmikið útsýni yfir Mosfellsbæ, Leirvog og að Esju.

Úr alrýminu er gengið niður tvær tröppur inn á svefnherbergisgang með teppi á gólfi. Fyrst er baðherbergi með baðkari og sturtuklefa, dúkur á gólfi en flísar á veggjum.

Þar við hlið eru tvö barnaherbergi með dúk á gólfi. Innst á gangi er stórt barnaherbergi með góðum fataskáp og innst á gangi er einnig gengið út á góðar svalir í vestur. Af svefnherbergisgangi er gengið niður stóran hringstiga niður á jarðhæð. Þar er stórt flísalagt rými og úr því er gengið inn í tvö svefnherbergi.

Við hlið þeirra á hægri hönd er þvottahús með góðri innréttingu og við hlið þvottahúss er gengt út í garð í norður, en þar er einnig inngangur í 43,7 ferm geymslurými undir bílskúrnum. Á móti þvottahúsi er baðherbergi með sturtuklefa, en inn af baðherbergi er geymslurými.

Til vinstri úr stigaholi er komið inn í stóra flísalagða setustofu og úr henni er gengið út á hellulagða verönd í vestur með heitum potti. Úr setustofunni er gengið niður í um 53 ferm flísalagt rými, sem nú er notað sem leikherbergi.

Húsið stendur innst í botnlanga við óbyggt svæði. Lóðin er 1.027 ferm og er vel gróin með háum trjám. Bílastæðið er stórt og hellulagt.