Gautavík 32. Í þessu fjögurra íbúða fjölbýli er Eignasalan-Húsakaup með í sölu 3-5 herbergja 121,5 fermetra íbúð, sérstaklega innréttaða með þarfir fatlaðra í huga. Ásett verð er 15,7 millj. kr.
Gautavík 32. Í þessu fjögurra íbúða fjölbýli er Eignasalan-Húsakaup með í sölu 3-5 herbergja 121,5 fermetra íbúð, sérstaklega innréttaða með þarfir fatlaðra í huga. Ásett verð er 15,7 millj. kr.
Reykjavík - Eignasalan-Húsakaup er nú með í einkasölu 3-5 herbergja íbúð í litlu fjölbýli að Gautavík 32 í Reykjavík. Íbúðin er í steinhúsi sem byggt var 1999 og er hún 121,5 fermetrar.

Reykjavík - Eignasalan-Húsakaup er nú með í einkasölu 3-5 herbergja íbúð í litlu fjölbýli að Gautavík 32 í Reykjavík. Íbúðin er í steinhúsi sem byggt var 1999 og er hún 121,5 fermetrar.

"Íbúðin er einkar vönduð og falleg og var sérstaklega hönnuð með þarfir fatlaðra í huga, m.a. eru engir þröskuldar og gott aðgengi. Tvær verandir eru við íbúðina og í henni eru sérsmíðaðar og vandaðar innréttingar, en allt tréverk er úr mahhóní. Fjórar íbúðir eru í húsinu sem er efst í lokuðum botnlanga," sagði Sigrún Þorgrímsdóttir hjá Eignasölunni-Húsakaupum.

"Komið er inn í rúmgóða forstofu með góðum skáp. Hurð er inn í íbúðina með frönskum gluggum. Tvær stórar stofur eru í íbúðinni og er auðvelt að loka annarri af sem herbergi ef vill. Suðvesturverönd er útfrá setustofunni.

Eldhúsið er rúmgott með sérsmíðaðri mahóníinnréttingu, vönduðum tækjum og góðum borðkrók við glugga. Svefnherbergin eru nú tvö en eru þrjú á teikningu. Hjónaherbergið er vel stórt með skápavegg, annað rúmgott herbergi með skápavegg er og í íbúðinni, þaðan er útgengi út á skjólgóða verönd sem snýr til suðausturs.

Baðherbergið er flísalagt með keri og sturtu, gólfið er með sérstökum dúk sem ekki er háll og hjólastólafært er í sturtu. Sérsmíðuð innrétting er á baði. Gott sérþvottahús er fyrir íbúðina og sérgeymsla undir húsinu að norðanverðu. Vönduð trérimlagluggatjöld eru fyrir öllum gluggum.

Flísar eru á forstofu, dúkur á baði en parket á öðrum vistarverum. Ásett verð á þessa íbúð er 15,7 millj. kr., en áhvílandi eru 8,7 millj. kr. í hagstæðum lánum."