Húsið er 255 ferm. ásamt 42 ferm. bílskúr og 42 ferm. vinnustofu sem gæti verið stúdíóíbúð. Ásett verð er 35 millj. kr., en þessi eign er til sölu hjá Eignamiðluninni.
Húsið er 255 ferm. ásamt 42 ferm. bílskúr og 42 ferm. vinnustofu sem gæti verið stúdíóíbúð. Ásett verð er 35 millj. kr., en þessi eign er til sölu hjá Eignamiðluninni.
Mosfellsbær - Eignamiðlunin er með í sölu einbýlishúsið Brekkuland 4a í Mosfellsbæ. Um er að ræða steinhús, byggt árið 1980. Það er 255 fermetrar ásamt 42 fermetra bílskúr og 42 fermetra vinnustofu sem gæti verið stúdíóíbúð.

Mosfellsbær - Eignamiðlunin er með í sölu einbýlishúsið Brekkuland 4a í Mosfellsbæ. Um er að ræða steinhús, byggt árið 1980. Það er 255 fermetrar ásamt 42 fermetra bílskúr og 42 fermetra vinnustofu sem gæti verið stúdíóíbúð.

"Hús þetta er mjög vandað og hefur prýtt forsíðu Arkitektablaðsins og einnig verið fjallað um það í öðrum tímaritum. Það er steypt úr sjónsteypu með innfellingum, en þakbrún er úr ryðfríu aluzinki," sagði Þorleifur St. Guðmundsson hjá Eignamiðluninni.

"Húsið er á þremur pöllum, vandað mjög sem fyrr sagði en ekki alveg fullbúið. Innréttingar eru allar úr mahóníi og graníti og gegnheilt Merbau-parket er á gólfum þar sem ekki eru flísar úr graníti eða náttúrulegum leir. Innihurðir eru allar úr gegnheilu efni og mjög vandaðar.

Komið er inn í rúmgóða forstofu sem er með þreföldum skápum og graníti á gólfi og síðan inn í rúmgott hol sem einnig er granítlagt. Forstofan er með 5 metra lofthæð og glugga alveg upp úr. Stór hurð er á milli holsins og forstofunnar, hún liggur á nokkurs konar ási sem hún snýst á.

Til hægri úr holinu er mjög stórt eldhús með sérsmíðuðum mahóníinnréttingum, eyju og rafmagns-gaseldavél. Á vinnuborðum er granít og íslenskt stuðlaberg og er það einnig í öðrum hlutum innréttingarinnar að hluta. Gert er ráð fyrir arni í eldhúsinu.

Tuttugu og sjö ljós eru í eldhúsinu og loft myndar ákveðið mynstur eins og víðar í húsinu. Á eldhúsgólfi er gegnheilt mahóníparket. Samliggjandi við eldhúsið er n.k. laufskáli sem er með granítflísum en gengið er út í garðinn úr laufskálanum.

Beint áfram úr holinu er mjög stór stofa sem er með 5-7 metra lofthæð, innbyggðum bókahillum, innfluttum gömlum enskum arni úr stáli og tinnu, stórum innbyggðum sjónvarps- og tækjaskáp o.fl.

Gengið er beint út á hellulagða verönd úr stofunni. Gólf í stofu eru slípuð en gólfið er um 30 cm lægra fyrir framan arininn, þar sem er innbyggður svartur leðursófi. Þar er gegnheilt parketi á gólfi.

Stigi er niður í stofuna úr áli en telst bráðabirgðalausn. Til vinstri við holið er gangur og stigi upp á efri pallinn. Af ganginum er gengt í þvottahús með bakinngangi og geymslu. Inn af holinu er einnig snyrting sem er með upphengdu vatnssalerni og granítflísum.

Á efri pallinum er komið upp í rúmgott hol með Merbau-parketi á gólfi. Út af holinu eru n. k. svalir sem snúa inn í stofuna. Gert er ráð fyrir herbergi inn úr holinu en nú er það hluti holsins. Í holinu/herberginu er einn veggur með hleðslugleri en hann snýr niður að aðalinngangi. Inn af holinu er síðan stórt parketlagt hjónaherbergi sem er með miklum sérsmíðuðum skápum og suðvestursvölum, en þaðan er fallegt útsýni til Varmár og foss í henni.

Vængjahurðir eru út á svalirnar. Innrétting er í hjónaherberginu. Á sömu hæð er baðherbergið. Inn af ganginum er stór stigapallur og svalir og tvö svefnherbergi. Ásett verð á þessa eign er 35 millj. kr."