Efri hæð á Flókagötu 61 er til sölu hjá Fasteign.is, hæðin er 114,1 fermetri og ásett verð er 18,5 millj.kr.
Efri hæð á Flókagötu 61 er til sölu hjá Fasteign.is, hæðin er 114,1 fermetri og ásett verð er 18,5 millj.kr.
Reykjavík - Fasteign.is er með í einkasölu efri hæð í fjórbýlishúsi að Flókagötu 61, 105 Reykjavík. Íbúðin er í steinhúsi sem byggt var 1951 og er hún alls að flatarmáli 114,1 fermetri ásamt tvennum svölum og sameign og sérgeymslu í kjallara.

Reykjavík - Fasteign.is er með í einkasölu efri hæð í fjórbýlishúsi að Flókagötu 61, 105 Reykjavík. Íbúðin er í steinhúsi sem byggt var 1951 og er hún alls að flatarmáli 114,1 fermetri ásamt tvennum svölum og sameign og sérgeymslu í kjallara.

"Íbúðin er að töluverðu leyti upprunaleg að innan, hvað varðar innréttingar og fleira en húsinu hefur verið mjög vel við haldið. M.a. er nýlegt þak á því. Þetta er frábærlega vel staðsett og falleg hús á rólegum stað ofan Lönguhlíðar," sagði Ólafur B. Blöndal hjá Fasteign.is.

"Þess má geta að við þessa götu standa mörg af fallegri húsum borgarinnar.

Í umræddri íbúð hefur verið skipt um raflagnir og töflu og einnig ofnalagnir.

Íbúðin skiptist þannig að komið er inn í sameiginlegan inngang með risíbúð. Rúmur og fallegur bogadreginn stigi er upp í íbúðina.

Komið er síðan inn í rúmgott hol með flísum, þaðan er gengið í góða borðstofu og stóra aðalstofu, báðar eru þær með teppum á gólfum og með glerhurð á milli. Stofurnar eru mjög bjartar og með fallegum frönskum gluggum.

Svefnálman er inn af holi, þar eru tvö svefnherbergi með parketi á gólfi, baðherbergi og eldhús með upprunalegri innréttingu. Hægt er að ganga af stigapalli beint í eldhúsið. Mjög auðvelt er einnig að nýta borðstofu sem herbergi og er samt eftir sem áður mjög rúmgóð stofa. Tvennar svalir eru í íbúðinni, annars vegar út frá hjónaherbergi og snúa til suðausturs og hins vegar af stigapalli við inngang í íbúðina og snúa þær til suðvesturs. Hiti er í stéttum við aðkomu að húsinu og allt almennt ástand hússins að utan virðist vera mjög gott.

Ásett verð 18,5 millj.kr."