Miðhús 14 er til sölu hjá Borgum. Þetta er steinhús, byggt árið 1990  og er það 183,5 fermetrar. Ásett verð er 24,9 millj.kr.
Miðhús 14 er til sölu hjá Borgum. Þetta er steinhús, byggt árið 1990 og er það 183,5 fermetrar. Ásett verð er 24,9 millj.kr.
Reykjavík - Borgir fasteignasala er með í sölu núna einbýlishús í Miðhúsum 14, 112 Reykjavík. Um er að ræða steinhús, byggt árið 1990, og er það 183,5 fermetrar, þar af er bílskúr 38,2 fermetrar.
Reykjavík - Borgir fasteignasala er með í sölu núna einbýlishús í Miðhúsum 14, 112 Reykjavík. Um er að ræða steinhús, byggt árið 1990, og er það 183,5 fermetrar, þar af er bílskúr 38,2 fermetrar.

"Þetta er sérlega vel staðsett þriggja palla hús á einstaklega fallegum útsýnisstað, hellulagt bílaplan er við húsið með hitalögn og rúmgóð timburverönd með skjólveggjum, stutt er í alla þjónustu og golfvöllinn," sagði Ægir Breiðfjörð hjá Borgum.

"Húsið skiptist þannig að á miðpalli er anddyri með ljósum flísum á gólfi og fatahengi. Inngangur er inn í þvottahús sem er með innréttingu og sérútgangi. Inn af þvottahúsi er tvöfaldur og rúmgóður bílskúr með fjarstýrðri dyraopnun á hvorum tveggja dyrunum, heitu og köldu vatni, góðri lofthæð og tveimur þakgluggum. Úr anddyri er gengt inn í hol og þaðan í eldhús með góðri innréttingu með nýlegum tækjum, tengi fyrir uppþvottavél, góðum borðkrók með útgangi um tvöfaldar dyr út á rúmgóða timburverönd með skjólveggjum. Í holinu er einnig lítið gestasalerni með innréttingu og sturtuklefa - dúkur er á gólfi. Á neðri palli er svefnherbergisálma með þremur rúmgóðum svefnherbergjum og er eitt þeirra með útgengi út í garð, baðherbergið er með kari og léttri innréttingu. Eitt herbergi er til viðbótar á þessum palli, það er um 20 fermetrar og er ekki inni í uppgefinni fermetratölu hússins.

Á efri palli er stór stofa með arni og útgangi á tveimur stöðum á óvenjustórar svalir sem snúa til austurs, norðurs og vesturs. Einstaklega gott og fallegt útsýni er úr stofu og af svölum. Einnig er á efri palli rúmgott hjónaherergi með stórum og nýlegum fataskáp. Gólfefni er pergoparket. Ásett verð er 24,9 millj.kr."