Sunnuvegur 11 er til sölu hjá Fasteignamarkaðinum. Þetta er óvenju vel staðsett og glæsilegt hús, 255,4 fermetrar. Ásett verð er 55 millj.kr.
Sunnuvegur 11 er til sölu hjá Fasteignamarkaðinum. Þetta er óvenju vel staðsett og glæsilegt hús, 255,4 fermetrar. Ásett verð er 55 millj.kr.
Reykjavík - Fasteignamarkaðurinn ehf. er með í einkasölu einbýlishúsið Sunnuveg 11, 104 Reykjavík. Þetta er steinhús, byggt árið 1971, og er það 255,4 fermetrar, þar af er bílskúr 30 fermetrar.
Reykjavík - Fasteignamarkaðurinn ehf. er með í einkasölu einbýlishúsið Sunnuveg 11, 104 Reykjavík. Þetta er steinhús, byggt árið 1971, og er það 255,4 fermetrar, þar af er bílskúr 30 fermetrar.

"Um er að ræða glæsilegt einbýli í Laugardalnum, húsið er teiknað af Vífli Magnússyni og er það algert listaverk og sérlega vel um gengið þannig að ekki sér á neinu," sagði Jón Guðmundsson hjá Fasteignamarkaðinum.

"Komið er inn í flísalagða forstofu með fatahengi. Þá tekur við teppalagt hol þar sem hátt er til lofts og bitar eru í lofti. Nokkrar tröppur eru niður í arinstofu með parketi á gólfi og grágrýti í sólbekkjum. Gengið er upp úr holi í samliggjandi stofur sem eru parketlagðar, með bitum í loftum og timbursólbekkjum.

Eldhúsið er með furuinnréttingu, háfur yfir eldavél og barborð, korkflísar eru á gólfi. Þvottaherbergi er með bakútgangi út á lóð, þar eru rúmgóðar og nýlegar innréttingar og flísar eru þar á gólfi og veggjum. Gestasalerni er án glugga, þar eru flísalagðir veggir og gólf og góð innrétting, allt nýlegt. Þá er búr og milligangur með korkflísum á gólfi.

Nokkrar tröppur eru upp úr holi, þar eru teppalagður svefngangur með fimm svefnherbergjum og tveimur baðherbergjum. Annað baðherbergið er inn af hjónaherbergi og er það flísalagt og með glugga, þar er sturtuklefi. Fataherbergi er inn af hjónaherbergi. Parket er á fjórum herbergjum og teppi á einu. Skápar eru í tveimur herbergjum. Ofanbirta er á gangi, furuklæddir veggir og bitar í loftum. Hitt baðherbergið er með glugga, flísalagt og með baðkari. Út af gangi eru 22 fermetra hellulagðar svalir. Umhverfi þarna er mjög fagurt og rólegt og stutt í alls kyns þjónustu og skemmtilegar gönguleiðir. Ásett verð er 55 millj. kr."