Um 90% sætanýting hefur verið hjá Katla Travel í sumar.
Um 90% sætanýting hefur verið hjá Katla Travel í sumar.
UM 13.000 gestir koma til Íslands með leiguflugi Katla Travel, Troll Tours og Thomas Cook í sumar, eða frá maí til september og er sætanýting tæplega 90% að meðaltali. Sætanýtingin er best í júlí eða rösklega 99%.

UM 13.000 gestir koma til Íslands með leiguflugi Katla Travel, Troll Tours og Thomas Cook í sumar, eða frá maí til september og er sætanýting tæplega 90% að meðaltali. Sætanýtingin er best í júlí eða rösklega 99%. Fyrr á þessu ári var gert ráð fyrir að farþegar í orlofsferðum til Íslands á vegum Katla Travel yrðu tvöfalt fleiri en á síðasta ári og hefur sú áætlun gengið eftir, að því er segir í fréttatilkynningu frá Katla Travel. Flogið er frá þremur stórborgum í Þýskalandi; Berlín, Frankfurt og München auk Vínar í Austurríki.

Íslandsflugið er samstarfsverkefni Katla Travel, Troll Tours og Thomas Cook í Þýskalandi, en hið síðastnefnda rekur rúmlega 16 þúsund umboðsferðaskrifstofur á þýska markaðnum og hefur á að skipa rúmlega 60 þúsund starfsmönnum. Terra Nova sér um að selja í ferðir héðan til fyrrnefndra borga. Pétur Óskarsson, framkvæmdastjóri Katla Travel, segir í fréttatilkynningu að ætla megi að markaðshlutdeild þýsku flugfélaganna árið 2003 í flutningi þýskra og austurrískra ferðamanna með beinu flugi til landsins sé nálægt 60% á ársgrundvelli og fari ört vaxandi. Sé skoðað frá hvaða löndum flestir ferðamenn koma sem skoða landið eru Þjóðverjar og Austurríkismenn meðal þeirra fimm efstu. Þeir ferðast mest um landið og hafa lengsta viðdvöl, aðallega fimm dýrustu mánuði ársins og gefa því mest af sér til greinarinnar og þjóðarbúsins, að sögn Péturs í fréttatilkynningu.