28. september 2003 | Innlendar fréttir | 125 orð

Vefur um fréttaflutning af hvalveiðum

TVÆR ferðaskrifstofur, Arctic Experience í Bretlandi og Katla Travel í Þýskalandi, hafa sett á laggirnar upplýsingavefinn www.gestsauga.is. Þar er birt umfjöllun þýskra og breskra fjölmiðla um hvalveiðar Íslendinga.
TVÆR ferðaskrifstofur, Arctic Experience í Bretlandi og Katla Travel í Þýskalandi, hafa sett á laggirnar upplýsingavefinn www.gestsauga.is. Þar er birt umfjöllun þýskra og breskra fjölmiðla um hvalveiðar Íslendinga. Markmið vefjarins er að hann nýtist þeim sem vilja fylgjast með viðbrögðum umheimsins við veiðunum.

Um 20 þúsund ferðamenn koma árlega til Íslands á vegum Arctic Experience og Katla Travel. Báðar ferðaskrifstofurnar hafa mótmælt hvalveiðum Íslendinga opinberlega. Aðstandendur vefjarins telja að með hvalveiðunum sé meiri hagsmunum fórnað fyrir minni, þar sem veiðarnar hafi neikvæð áhrif á ímynd Íslands á alþjóðavettvangi og að þær muni draga úr ásókn ferðamanna til landsins.

Greinar, sem birtast á vefnum, endurspegla ekki viðhorf fyrirtækjanna til hvalveiða enda er hlutverk vefjarins einungis að miðla upplýsingum sem endurspegla afstöðu umheimsins til þessara umdeildu veiða.

Aðgangsupplýsingar

Notandi:Þú ert ekki innskráð(ur).
Greinin: Þessi grein er ókeypis þar sem hún er eldri en þriggja ára.
Morgunblaðið - fyrsta forsíðan

Morgunblaðið hjá Landsbókasafni

Á vefnum timarit.is er að finna stafrænt safn Landsbókasafns yfir helstu dagblöð og tímarit landsins. Þetta er eina leiðin til að leita að efni úr Morgunblaðinu frá því fyrir 1986.