Bróðir og Utangarðsmaður
Bróðir og Utangarðsmaður
[ Smellið til að sjá stærri mynd ]
Kvikmyndahátíðin Hinsegin bíódagar í Reykjavík hefst í dag og stendur til 14. mars. Opnunarmyndin er hollensk dans- og söngvamynd sem heitir Já systir, nei systir en viðstödd sýninguna verður aðalleikkonan Loes Luca.
Kvikmyndahátíðin Hinsegin bíódagar í Reykjavík hefst í dag og stendur til 14. mars. Opnunarmyndin er hollensk dans- og söngvamynd sem heitir Já systir, nei systir en viðstödd sýninguna verður aðalleikkonan Loes Luca. Allar sýningar hátíðarinnar verða í Regnboganum við Hverfisgötu. Að Hinsegin bíódögum standa Samtökin '78, félag lesbía og homma á Íslandi, og FSS, félag samkynhneigðra og tvíkynhneigðra stúdenta. Stjórnandi hátíðarinnar er Hrafnhildur Gunnarsdóttir.

Þetta er í annað sinn sem efnt er til slíkrar kvikmyndahátíðar hér á landi, en hinir fyrstu Hinsegin bíódagar voru haldnir í Reykjavík vorið 1995 á vegum Samtakanna '78 og þaðan er nafn hátíðarinnar runnið. Á dagskrá hátíðarinnar eru leiknar myndir, tónlistarmyndir, heimildarmyndir og stuttmyndir. Heiðursgestir Hinsegin bíódaga eru tveir auk hinnar hollensku leikkonu, Spánverjinn, Antonio Hens, leikstjóri hinnar stuttmyndarinnar, Í slæmum félagsskap, og hollenski hátíðarskipuleggjandinn Jankees Boer en hann verður einn af fulltrúunum í dómnefnd Hinsegin bíódaga, en í lok hátíðar 13. mars mun dómnefnd veita þrenn verðlaun fyrir besta framlag til hennar í flokki leikinna mynda, heimildarmynda og stuttmynda. Auk Boer eru í dómnefnd þau Elísabet Ronaldsdóttir, Hanna María Karlsdóttir, Jankees Boer og Sigursteinn Másson.

JÁ SYSTIR, NEI SYSTIR

(Ja zuster, nee zuster)

HOLLAND 2003. (35 MM.)

Pieter Kramer

Hollensk dans- og söngvamynd sem byggist á nýlegri dans- og leikgerð á vinsælum sjónvarpsþáttum sem sýndir voru í hollenska sjónvarpinu á 7. áratugnum. Systir Klivia stendur fyrir gistiheimili eða athvarfi þar sem sundurleitur hópur fólks á öllum aldri á sér skjól.

Fimmtudagur 4. mars kl. 20

Sunnudagur 14. mars kl. 16

AÐALHLUTVERK: ROSA FURR

(Starring: Rosa Furr)

BANDARÍKIN 2002. (16 MM.)

Lára Martin

Stuttmynd eftir íslensku kvikmyndagerðarkonuna Láru Martin sem nam kvikmyndagerð í Bandaríkjunum og hefur starfað þar um árabil. Sagan um Rosu Furr er gerð í stíl þöglu myndanna. Með verki sínu "endurritar" leikstjórinn söguna með því að skipa lesbíum, hommum og svörtu fólki í þau hlutverk í kvikmyndasögunni sem þau aldrei léku og hér fá þeir kynþættir og þær kynhneigðir sem aldrei birtust í aðalhlutverkum að baða sig í sviðsljósinu. Á eftir myndinni er sýnt stutt viðtal við Láru Martin á ensku en hún verður viðstödd frumsýninguna og mun spjalla við gesti að henni lokinni.

Sunnudagur 7. mars kl. 18

Föstudagur 12. mars kl. 20

PABBI OG PÁPI

(Daddy and Papa)

BANDARÍKIN 2002. (BETA.)

Johnny Symons

Óvenjuleg heimildarmynd um samkynhneigða feður sem rutt hafa öðrum slíkum brautina sem vilja gerast feður og taka ábyrgð á börnum. Áhrifamikil mynd af nýstárlegum fjölskyldugerðum og fjölskyldulífi á tímum mikilla breytinga og umbyltinga.

Laugardagur 6. mars kl. 16

Laugardagur 13. mars kl. 16

HREIN OG BEIN

(Sögur úr Íslensku Samfélagi)

ÍSLAND 2003. (BETA.)

Hrafnhildur Gunnarsdóttir

og Þorvaldur Kristinsson

Fyrsta íslenska heimildarmyndin sem fjallar um samkynhneigð á Íslandi. Tilnefnd í flokki heimildarmynda til Eddu-verðlaunanna 2003 og var kjörin besta heimildarmyndin á stærstu kvikmyndahátíð samkynhneigðra í heiminum, San Francisco International Lesbian and Gay Film Festival, sumarið 2003.

Þriðjudagur 9. mars kl. 18

Miðvikudagur 10. mars kl. 22

Fimmtudagur 11. mars kl. 20

ÞÚSUND FRIÐARSKÝ Á HIMNI, ÁST, ALDREI HÆTTIR ÞÚ AÐ VERA ÁST

(Mil nubes de paz cercan el cielo, amor, jamás acabaras de ser amor)

MEXÍKÓ 2002. (35 mm)

Julián Hernández.

Í fimm daga ráfar Gerardo, sautján ára hommi, stefnulaust um götur Mexíkóborgar í leit að einhverjum sem gæti upplýst hann um það sem liggur milli línanna í kveðjubréfinu sem elskhuginn hans, Bruno skildi eftir handa honum.

Myndin hlaut Teddy-verðlaunin á Kvikmyndahátíðinni í Berlín 2003, en þau eru veitt fyrir besta framlag til kvikmyndagerðar samkynhneigðra í heiminum.

Föstudagur 5. mars kl. 22

Sunnudagur 7. mars kl. 16

BRÓÐIR OG UTANGARÐSMAÐUR

(Brother Outsider -

The Life Of Bayard Rustin)

BANDARÍKIN 2002. (BETA.)

Nancy Kates, Bennett Singer.

Bayard Rustin var svertingi sem opinberaði samkynhneigð sína löngu áður en hommar almennt öðluðust hugrekki til. Af þeim sökum komst hann í kast við lögin og hlaut sinn dóm. Síðar gerðist hann einn helsti ráðgjafi Martins Luthers King og barðist við hlið hans en starfaði þó alla tíð í skugga leiðtogans, sökum kynhneigðar sinnar. Heimildarmynd sem unnið hefur til fjölda verðlauna, m.a. á Sundance-kvikmyndahátíðinni í Bandaríkjunum og á Kvikmyndahátíðinni í Berlín.

Föstudagur 5. mars kl. 18

Fimmtudagur 11. mars kl. 22

EINSTEIN HVATALÍFSINS

(Einstein des sex - leben und

werk des Dr. Magnus Hirschfeld)

ÞÝSKALAND 1999. (35 MM.)

Rosa Von Praunheim

Leikin kvikmynd um ævi gyðingsins, hommans, sósíalistans og læknisins Magnus Hirschfeld, eins mesta áhrifavaldar í sögu samkynhneigðra. Stofnaði fyrsta baráttuhóp homma í Berlín árið 1897 og lagði grunn að rannsóknum á lífi samkynhneigðs og transsexúal fólks í Þýskalandi á þriðja áratug 20. aldar.

Mánudagur 8. mars kl. 20

Föstudagur 12. mars kl. 18

Sunnudagur 14. mars kl. 22

RÓTTÆKIR HLJÓMAR

(Radical Harmonies)

BANDARÍKIN 2002. (DVD)

Dee Mosbacher

Heimildarmynd um frumkvöðla í kvennarokkinu í Bandaríkjunum, forvera Melissu Etheridge, Ani DiFranco og Indigo Girls. Þessar konur töluðu máli fjölbreytileika, femínisma og hins lesbíska lífstíls. Tónlistarkonur, frá Meg Christian og Cris Williamson til Sweet Honey in the Rock.

Laugardagur 13. mars kl. 20

Sunnudagur 14. mars kl. 18

SKYNDILEGA

(Tan de repente)

ARGENTÍNA 2002. (35 MM.)

Diego Lerman

Pönkararnir og lesbíurnar Mao og Lenin eru dauðleiðar á lífinu þegar þær hitta Marcíu, hallærislega afgreiðslustúlku í undirfataverslun í Buenos Aires og taka hana höndum. Þær kæra sig ekkert um peningana hennar en vilja komast yfir hana. Er Marcía lætur ekki undan leggja Mao og Lenin af stað með hana í ferðalag. Skyndilega hefur hlotið ýmis verðlaun, m.a. Silfurhlébarðann á kvikmyndahátíðinni í Locarno.

Sunnudagur 7. mars kl. 20

Mánudagur 8. mars kl. 22

SÆL ERU ÞAU SEM ÞYRSTIR

(Salige er de som tørster)

NOREGUR 1998. (35 MM.)

Carl Jørgen Kiøning

Lesbíska leynilögreglukonuna Hanne Wilhelmsen rannsakar dularfullt morðmál í Osló þar sem fundist hefur blóð en ekkert lík. Sakamálamynd byggð á sögu eftir Anne Holt, fyrrum dómsmálaráðherra Noregs en nokkrar af sögum hennar hafa verið þýddar á íslensku.

Sunnudagur 7. mars kl. 22

Föstudagur 12. mars kl. 22

Laugardagur 13. mars kl. 18

LÍSA

(Alice)

FRAKKLAND 2002. (35 MM.)

Sylvie Ballyot

Í brúðkaupi systur sinnar tekst Alice á við sárar minningar sem vekja niðurbældar og hálfgleymdar tilfinningar. Um hvað snerist sameiginleg æska þeirra systra? Hvaða þýðingu höfðu leikir þeirra undir sænginni þegar þær voru litlar? Ljóðræn og erótísk stuttmynd um það að þrá og sakna.

Laugardagur 6. mars kl. 20

Þriðjudagur 9. mars kl. 22

YFIR Í EDEN

(Eden's Curve)

BANDARÍKIN 2003. (BETA.)

Anne Misawa

Peter er 18 ára strákur sem er að hefja nám í yfirstéttarskóla í Virginíuríki á austurströnd Bandaríkjanna árið 1973. Hann ímyndar sér að hann laðist að Bess, kærustu herbergisfélaga síns í skólanum, en það er í rauninni Joe, herbergisfélaginn sjálfur, sem hann þráir og girnist.

Laugardagur 6. mars kl. 18

Miðvikudagur 10. mars kl. 20

PILTAR MEÐ PILTUM

(Safn Stuttmynda)

Chicken (Írland)

Spin (Bretland)

En malas compañias (Spánn)

Fremragende timer (Noregur)

Frühstück (Þýskaland)

ÅbenbarIngen (Noregur)

Target Audience

(

Bandaríkin)

Diary Of A Male Whore

(Palestína)

Freunde ( Þýskaland)

Föstudag 5. mars kl. 20

Mánudagur 8. mars kl. 18

STÚLKUR MEÐ STÚLKUM

(Safn Stuttmynda)

Á veiðum (Bandaríkin)

D.E.B.S. ( Bandaríkin)

Hjem til jul (Noregur)

Just Call Me Kade (Bandaríkin) Åbenbaringen (Noregur)

Ten Rules (Bandaríkin)

Þriðjudagur 9. mars kl. 20

Fimmtudagur 11. mars kl. 18

ÞÚ KEMST YFIR ÞETTA

(A cause d'un garçon: tu

verras, ça te passera)

FRAKKLAND 2002. (BETA)

Fabrice Cazeneuve

Vincent er vinsælasti strákurinn í skólanum, fyrirliði keppnisliðsins í sundi og með útlitið með sér. Þegar hann áttar sig á hann er meira fyrir stráka en stelpur og gerir eitthvað í málunum er hann útilokaður úr keppnisliðinu, barinn og hæddur.

Laugardagur 6. mars kl. 22

Laugardagur 13. mars kl. 22

Vefsíða Hinsegin bíódaga er www.hinbio.org Miðasala á Hinsegin bíódaga er í Regnboganum. Miðaverð á sýningar er 700 kr. Hægt er að kaupa fjóra miða á fjórar mismunandi sýningar fyrir 2000 kr.

skarpi@mbl.is