Eldflaugakerfið sem breytti gangi stríðsins

Bandaríkin hafa nú sent Úkraínustjórn minnst 16 HIMARS-eldflaugakerfi sem skotið geta mörgum eldflaugum á sama tíma og hæft skotmörk sín með mikilli nákvæmni. Óhætt er að fullyrða að kerfi þessi hafa breytt stöðunni á vígvöllum Úkraínu og stórskaðað stríðsrekstur Rússa. Hafa m.a. loftvarnasveitir þeirra átt í miklum vandræðum með að bregðast við eldflaugaregninu. En hvað er þetta HIMARS?

HIMARS er skammstöfun fyrir það sem á ensku kallast „High Mobility Artillery System“, en með mikilli einföldun má lýsa þessu kerfi sem eldflaugaskotpalli á hjólum. Með HIMARS er því hægt að stunda það sem kalla má „skjóta og skunda“. En lífslíkur eldflaugakerfisins stóraukast þegar hægt er að fjarlægja það með skjótum hætti af skotstað. Slíkt kemur í veg fyrir að óvinasveitir, í þessu tilfelli rússneski herinn, geti skotið á móti og grandað kerfinu.

M142 HIMARS var hannað af bandaríska hergagnaframleiðandanum Lockheed Martin seint á níunda áratug síðustu...