Hulda Geirsdóttir rifjar upp plötuna Mugiboogie frá árinu 2007 ásamt tónlistamanninum Mugison. Mugiboogie er þriðja breiðskífa Mugison og þar kveðjur við annan tón en á fyrri plötum hans. Segja má að Mugison bregði sér í margra kvikinda líki á þessari plötu og þar er að finna fjölbreytt lög, allt frá angurværum ballöðum yfir í kolsvart rokk. Saman fara þau yfir plötuna lag fyrir lag og Mugison rifjar upp skemmtilegar sögur, sumar sem aldrei hafa heyrst áður.