Sendu okkur myndir eða myndskeið úr þínu nærumhverfi á netfrett@mbl.is eða með skilaboðum á Facebook-síðu mbl.is
5.4.2020
Spurður um erfiðleika við að finna Covid-19 appið í Play store segir Þórólfur að þægilegast sé að fara á covid.is og finna það þar.
„Í kvöld, þriðja sunnudaginn í röð, ætlum við að vera með veirulausan klukkutíma,“ segir Víðir. Í kvöld eigi að taka þátt í lestrarátakinu Tími til að lesa.
Þá er fundinum lokið í dag.
5.4.2020
Spurður um stöðuna á hlífðarbúnaði segir Þórólfur: „Við eigum dágóðan lager af hlífðarbúnaði og það er verið að leggja drög að því að kaupa meira. Ég held við við lendum ekki í skorti ef við notum búnaðinn á skynsaman hátt.“
5.4.2020
Spurður um skemmtiferðaskip sem koma til Íslands þegar vorar segir hann að áætlanir hafi verið gerðar varðandi þau. Segir hann að í skipunum séu „heilu heilsugæslustöðvarnar“ sem hafi staðið sig mjög vel. Ef grunur er um smit er á áætlun að fólk héðan fari um borð og taki sýni áður en ferðamenn fara frá borði.
5.4.2020
Við höfum alltaf sagt að smitlíkurnar eru alltaf minni, örugglega, hjá þeim sem eru með einkenni heldur en einkennalausu fólki, segir Þórólfur aðspurður.
5.4.2020
Þórólfur segir að áskorunin framundan sé hvursu hratt sé hægt að aflétta þeim aðgerðum sem gripið hefur verið til.
„Það er enginn sem veit nákvæmlega hvernig á að aflétta,“ segir Þórólfur spurður um hvort eitthvað sé vitað um hvenær hægt verði að aflétta samkomubanni. Segist hann skilja að óþægilegt sé að vita ekki hvað gerist eftir 4. maí en segir „við erum að ráða ráðum okkar“.
5.4.2020
Aðspurður segist Óskar Reykdalsson hafa tekið eftir því að almenningur hafi meiri áhyggjur af andlegri heilsu en oft áður. Fleiri erindi berist varðandi geðheilsu en áður.
5.4.2020
Páll Matthíasson leiðréttir rangfærslur sínar frá því áðan. Miðað er við að aðstandendur geti verið viðstaddir tvo tíma fyrir, tvo tíma eftir fæðingu, og eins við fæðingu.
Páll segist hafa tekið sér frí í gær og hafi því ekki verið með hinar nýju reglur alveg á hreinu.
5.4.2020
„Ef menn geta sýnt fram á með einhverjum rökum að þetta hjálpi er sjálfagt að menn endurskoði sína afstöðu,“ segir Þórólfur spurður um leiðbeiningar frá yfirvöldum erlendis að fólk hylji vit sín með treflum eða tuskum. Hann mæli þó ekki með þessu eins og er.
5.4.2020
5.4.2020
Spurður um mögulegar hópsýkingar eftir að veiran gengur niður, jafnvel mánuðina eftir, segir Þórólfur að mikilvægt sé að fara hægt í að aflétta aðgerðum. Segir hann að ef hópsýkingar koma aftur upp eftir að létt verður á aðgerðum gæti þurft að herða þær aftur.
5.4.2020
Um breytingar varðandi reglur í kringum fæðingar segir Páll Matthíasson aðspurður að feður eigi ekki að vera viðstaddir fæðingar. Miðað sé við að heimilt sé að heimsækja fyrir og eftir fæðingar.
5.4.2020
„Framundan eru páskarnir. Við erum farin að skipuleggja það.“ Óskar segir að ef fer sem horfir gæti nægt að hafa hefðbundna vaktþjónustu. Fólk sé þó í startholunum til að breyta og bregðast við ef þörf er á.
5.4.2020
Landspítalinn hefur það hlutverk að vinna með staðfest Covid, við erum meira að vinna með þá sem eru grunaðir með Covid, segir Óskar.
5.4.2020
„Við erum þakklát fyrir þá þolinmæði sem fólk sýnir okkur,“ segir Óskar, enda þurfi fólk oft að bíða nokkuð eftir símtali sem það hefur pantað.
Óskar segir að heilsugæslustöðvar fái margar og flóknar spurningar.
5.4.2020
Óskar Reykdalsson segir að Heilsugæsla höfuðborgarsvæðisins hafi lagt upp úr því að fá símtöl fyrst, áður en fólk kemur á heilsugæsluna. Þetta hafi gengið eftir og nú komi afar fáir á heilsugæslustöðvar án þess að hringja á undan.
Óskar segir að bráðakomum hafi fækkað mjög mikið eftir að kórónuveiran fór af stað, og hefur hann áhyggjur af því. Mikilvægt sé að fólk hafi samband ef það kennir sér meins.