Blaðamannafundinum er lokið. Takk fyrir í dag.

Björgunarsveitir björguðu um 100 Íslendingum um helgina sem höfðu lent í ógöngum í slæmu veðri, að sögn Víðis. „Er þetta ekki bara komið gott?“ sagði hann og hvatti fólk til að slaka á heima um páskana og halda matarboð með vinum á fjarfundi. „Höldum áfram að vera ábyrg og þá tekst okkur að komast í gegnum þetta,“ bætti hann við.

Hann hvatti fólk einnig til að halda sig heima við ef það finnur fyrir einkennum.

Hver stofnun fyrir sig ræður bakverðina í heilbrigðisþjónustunni. Ákveðnar leiðbeiningar varðandi laun er að finna á vef heilbrigðisráðuneytisins.

7 sjúklingar hafa sýkst á Landakoti og tíu starfsmenn, að sögn Páls.

Verið er að skoða málið varðandi birtingu fundargerðar sóttvarnarráðs en ráðið fundaði fyrir helgi. Á fundinum var lýst yfir stuðningi við aðgerðir sóttvarnarlæknis.

Það eru allir að undirbúa sig undir þetta „ef“, segir Anna. Sem betur fer hefur aðbúnaður hjúkrunarheimila batnað verulega á síðustu árum, segir hún. Hjúkrunarheimili hafa verið byggð með einbýli og sér baði. Það hjálpar til ef sýkingar koma upp.

Miðað við þann flutning á hlífðarbúnaði sem er fyrirhugaður hingað til lands virðumst við vera í ágætismálum, að sögn Páls.

Sóttvarnarlæknir hefur verið í tengslum við Matvælastofnun í tengslum um hvort dýr hafi sýkst, að sögn Þórólfs, en lítið virðist vera um slíkt.

Ekki er skynsamlegt að bjóða stórfjölskyldunni í mat um páskana, ef í þeim hópi er fólk í áhættuhópi. Því fleiri sem koma saman þeim mun meiri hætta er á því að smit komi upp, að sögn Víðis, sem bætti við að páskarnir verði skrítnir, eflaust þeir skrítnustu sem við höfum lifað.

Fleiri sýni eru í rannsókn á norðanverðum Vestfjörðum. Það getur tekið langan tíma að sjá árangur af þeim aðgerðum sem hefur verið gripið til, eða um eina til tvær vikur, að sögn Þórólfs.

Við verðum að virða heimsóknarbann til hjúkrunarheimilanna. Þeir eru ekki einir, segir Anna um vistmennina. Þeir eru í félagsskap starfsmanna og annarra íbúa.

2.800 manns búa á hjúkrunarheimilum á landinu og meðalaldur er 85 ára. Fólkið þarf aðstoð allan sólarhringinn, segir Anna Birna Jensdóttir, framkvæmdastjóri hjúkrunarheimilisins Sóltúns. Hún hrósar starfsmönnum hjúkrunarheimila og fjölskyldum þeirra fyrir þeirra framlag.

Farsóttarnefnd Landspítalans hefur lagt til að til að lágmarka smithættu vegna fæðinga sé miðað við þann tíma sem kona er komin í virka fæðingu, sem aðstandandi getur verið viðstaddur, og þangað til um 2 klukkustundum eftir að fæðing barns er yfirstaðin, að sögn Páls.

110 starfsmenn Landspítalans eru í sóttkví. Að sögn Páls fer faraldurinn væntanlega að ná hápunkti. Hann gerir ráð fyrir að álagið á spítalanum muni aukast.