Sendu okkur myndir eða myndskeið úr þínu nærumhverfi á netfrett@mbl.is eða með skilaboðum á Facebook-síðu mbl.is
26.4.
Guðmundur Felix Grétarsson upplýsir á Facebook að honum hafi ekki tekist að safna þeim undirskriftum sem þurfti og að ekki verði úr framboði hans. Hann þakkar stuðningsfólki sínu stuðninginn.
26.4.
Þar með er frestur liðinn til þess að skila inn undirskriftarlista til landskjörstjórnar. Alls skiluðu tólf einstaklingar inn lista. Farið verður yfir meðmælalistana um helgina og frambjóðendur látnir vita ef eitthvað þarf að lagfæra.
mbl.is þakkar fyrir samfylgdina og kveður frá Hörpu.
26.4.
26.4.
26.4.
Tólf forsetaframbjóðendur hafa nú skilað undirskriftarlistum sínum til landskjörstjórnar í Hörpu. Skilafresturinn er til klukkan 12 og er því enn rúmlega korter til stefnu. Allir sem hafa greint frá framboði hafa nú þegar skilað inn sínum lista.
Þeir sem hafa skilað inn lista eru: Arnar Þór Jónsson, Ásdís Rán Gunnarsdóttir, Ástþór Magnússon, Baldur Þórhallsson, Eiríkur Ingi Jóhannesson, Halla Hrund Logadóttir, Halla Tómasdóttir, Helga Þórisdóttir, Jón Gnarr, Katrín Jakobsdóttir, Steinunn Ólína Þorsteinsdóttir, og Viktor Traustason.
Það kemur síðan í ljós eftir helgi hvort að framboð þeirra verður tekið gilt af landskjörstjórn.
26.4.
Helga Þórisdóttir er tólfti forsetaframbjóðandinn til þess að skila inn undirskriftarlista til landskjörstjórnar.
26.4.
26.4.
26.4.
Katrín Jakobsdóttir er mætt í Hörpu ásamt kosningateymi sínu. Hún er ellefti frambjóðandinn til að skila inn lista.
26.4.
Enn er beðið eftir Katrínu Jakobsdóttur og Helgu Þórisdóttur en þær hafa til klukkan 12 til að skila inn meðmælalistum sínum.
Nú hafa tíu manns skilað inn listum sínum.
26.4.
26.4.
26.4.
Halla Hrund Logadóttir er tíundi frambjóðandinn til að mæta í Hörpu.
26.4.
Jón Gnarr er níundi forsetaframbjóðandinn til að mæta í Hörpu.
26.4.
Baldur Þórhallsson og eiginmaður hans, Felix Bergsson, eru mættir. Baldur er þar með áttundi forsetaframbjóðandinn til að skila inn lista.