Gratíneraður saltfiskur með kartöflum er vinsæll í Portúgal. Þessa útgáfu fengum við á veitingastað í San Martinho do Porto og fengum eldhúsið til að láta okkur uppskriftina í té.
Byrjið á því að sjóða kartöflurnar. Stappið þær saman við saltfiskinn. Blandið næst pressuðum hvítlauknum, papriku, múskati, cayennepipar og rjómanum saman við. Setjið í eldfast form og breiðið úr fiskstöppunni.
Eldið við 200 gráður í ofni um 15-20 mínútur. Takið út og dreifið vel af nýrifnum parmesan yfir. Setjið aftur í ofninn í nokkrar mínútur. Berið fram með salati og góðri ólífuolíu. Það fullkomnar réttinn að hella nokkrum dropum af olíu yfir fiskinn á diskinum.
Með þessu gott suður-evrópskt hvítvín, það er ekki mikið um portúgölsk hvítvín í boði en Albarino frá Galisíu á Spáni er áþekkt hvítvínunum í Minho, hinum megin við landamærin.
Uppskrift: vinotek.is