„Bleikja er afbragðsfiskur en ég reyni að passa mig á að hafa hana ekki of oft, ég er hrædd um að ég gæti orðið leið á henni og það vil ég ekki. Ég er ekki eins og pabbi gamli, sem ólst upp við að borða silung sirka sex daga í viku allt sumarið þegar hann var strákur og ungur maður. Ég spurði hann einhverntíma hvort hann hefði aldrei orðið leiður á þessu og hann sagði að það hefði komið fyrir að hann hefði fengið leið á soðnum silungi – en aldrei steiktum,“ segir metsöluhöfundurinn og matarbloggarinn Nanna Rögnvaldardóttir. Hér kennir hún lesendum að matbúa gómsæta bleikju.
Ofngrilluð bleikja með hnetu-kryddjurtaþekju
2 bleikjuflök
2 msk möndlur
2 msk furuhnetur (eða meiri möndlur)
lófafylli af steinselju
lófafylli af basilíku (eða aðrar kryddjurtir eftir smekk)
börkur af 1 sítrónu
25 g smjör, lint
pipar og salt
Tómatmauk
2-3 vel þroskaðir tómatar
1 msk ólífuolía
1/2 lítill laukur
2 hvítlauksgeirar
1/2 þurrkað, milt chilialdin (má sleppa)
3 msk hvítvín
pipar og salt
Kúskús með kryddjurtum
150 g kúskús
sjóðandi vatn skv. leiðbeiningum á umbúðum
safi úr 1 sítrónu
2 msk ólífuolía
1 lítill hvítlauksgeiri
lófafylli af steinselju
lófafylli af basilíku (má sleppa)
pipar og salt
HÉR er hægt að sjá nákvæmlega hvernig hún bar sig að.