Eitt af því besta við lambalæri, fyrir utan bragðið, er að það er yfirleitt nóg af því. Óskar kokkur töfraði fram grískt lambalæri í síðasta þætti af Korter í kvöldmat og mælir með því að nýta afgangana í góðan pottrétt en einnig má setja þá í pítu sem er vinsæl á mörgum heimilum.

Grísk lambapíta

Opnið pítubrauð og ristið. Skerið kjötið niður í þunnar sneiðar og léttsteikið á pönnu. Setjið eina msk. af dressingunni inn í pítubrauðið og 50–60 g af lambakjötinu. Setjið næst salatið og í lokin smá dressingu yfir.

Grískt lambaragú

Setjið út á pönnu eina dós af niðursoðnum söxuðum tómötum og látið suðuna koma upp. Skerið lambið í litla bita og bætið út í. Skerið kartöflurnar niður smátt og bætið út í. Þegar þetta hefur verið soðið í u.þ.b. 1 mín. er salatinu bætt út og látið malla í ½ til 1 mín. Passa þarf að ragúið ofeldist ekki því við eigum að finna fyrir salatinu. Borðið með nýbökuðu brauði.

Það sem gerir ragúið alveg ómótstæðilegt er brakandi ferskt grænmeti.

Grísk lambapíta

• pítur, 1-2 á mann
• afgangur af lambi
• afgangur af salati
• afgangur af sósu

Grískt lambaragú

• 1 dós niðursoðnir tómatar
• afgangur af grísku lambi
• afgangur af kartöflum
• afgangur af salati

Tengdar fréttir

Korter í kvöldmat

Ómótstæðilegar quesadillas á augnabliki

• Svo miklu meira en jólamatur
• Eins grískt og það getur orðið
• Best á öðrum degi
• Bráðholl og bragðmikil súpa

» Fleiri tengdar fréttir

• Blogga um frétt