Matur | mbl | 20.12.2016 | 10:35 | Uppfært 15:43

Kalkúnasósan sem allir dásama

Kalkúnninn er ekkert ef ekki er góð sósa með honum. Getty Images/Digital Vision

Sósan à kalkúninn var prufukeyrð í vikunni með miklum stunum. Hún tókst afburða vel get ég sagt ykkur! Beint í mark en þessi elska virkar líka vel með kjúkling. Í sósuna nota ég Gráðagóðan sem er púrtvínsleginn gráðostur en það má vel nota bara venjulegan gráðost.

2 skarlottlaukar, smátt saxaðir
1 msk. smjör
1 peli rjómi
200 g Gráðagóður (púrtvínslegin gráðostur – fæst í Búrinu. Má líka nota venjulegan.)
1 - 2 msk. fljótandi kalkúnakraftur
1 tsk. salvía
Þurrkaðir villisveppir, látnir liggja í vatni samkvæmt leiðbeiningum
2 msk. púrtvín
1 tsk. rifsberjasulta
Pipar eftir smekk

Mýkið laukinn í smjöri uns hann verður glær. Bætið þvínæst við kraftinum og rjómanum og látið malla. Svo er osturinn mulinn út í og látinn bráðna við vægan hita.
Kryddin fara svo út í sósuna ásamt sultunni og loks sveppirnir.
Látið malla við vægan hita í 5 mínútur.