Matur | mbl | 4.2.2017 | 11:40 | Uppfært 27.6.2017 12:50

Ítalskur partýréttur og kokteill á mínútum

Bestu partýréttirnir þurfa ekki að taka langan tíma. Tobba Marinós/mbl.is

Ég hef mikla matarást á Lindu matarbloggara á Eatrvk.com. Eitt sinn var ég svo heppin að hún bauð mér með sér í sumarbústað sem endaði í brjáluðu gourmet-frensý. Við komu í bústaðinn bauð Linda upp á grillaðar ítalskar samlokur og uppáhaldskokteilinn minn Apperol Spritz – sjá uppskrift hér. Síðan þá hef ég oft gert þessar samlokur þegar ég hef lítinn tíma til að bralla í eldhúsinu en langar í eitthvað virkilega djúsí.

Innihaldsefni

1 pakki tortillakökur
Góð hráskinka
Sýrður rjómi
Mozarella-ostur
Kóríander (ekki stilkurinn)

Leiðbeiningar

Smyrjið hverja köku með örlitlum sýrðum rjóma.
Setjið eina sneið af hráskinku á aðra hlið kökunnar.
Stráið söxuðu kóríander yfir.
Stráið því næst rifnum mozarella yfir og lokið kökunni.
Grillið á grillpönnu eða grillið uns osturinn hefur bráðnað og kakan tekin að gyllast.

Höfundur: Linda Björk Ingimarsdóttir

Linda á Eatrvk.com,Tobba umsjónarkona Matarvefs mbl.is og Íris Ann ljósmyndari hafa sannreynt kokteil uppskriftina - oft - og gefa henni topp meðmæli.