Mangósalat með dill-vínegrett

Salatið

2 handfyllir ljósgræn salatblöð
1 þroskað mangó
2 kirsuberjatómatar
1 smágúrka, skorin
1 lítill vorlaukur
4-6 íslensk jarðarber

Dill-vínegrett

handfylli ferskt dill
1 límóna kreist
2 tsk. ólífuolía
1 tsk. sætt sinnep
salt eftir smekk

1. Skerið dill smátt og vinnið í blandara ásamt rest af hráefnum. Bætið við salti og pipar fyrir sterkara bragð.

2. Skerið mangó, kirsuberjatómata, vorlauk, gúrku og jarðarber. Veltið salatlaufum upp úr helmingi dressingar og leggið í skál. Bætið restinni af hráefnunum við og berið fram. Gaman er að fegra með spírum og radísum.

Mér þykir mangósalatið gott með hvaða grillmat sem er en öll salötin hér hafa verið í sérstöku uppáhaldi hjá mér. Sniðugt er að breyta til með dressingarnar, eftir því hvað til er í ísskápnum t.d.