Virkilega góð súkkulaðikaka sem þarf ekki að baka

Þessi elska er kannski ekki mikið fyrir augað en góð …
Þessi elska er kannski ekki mikið fyrir augað en góð var hún. Virkilega góð! mbl.is/TM

Þessi kaka varð viklega ljót og ég verð að viðurkenna að ég var ekki alveg viss um að bera hana á borð í matarboði sem ég var með fyrir skemmstu. Ég ákvað þó að játa mig sigraða og skella ómyndinni á borðið og það því betur fer því herlegheitin voru alveg afskaplega góð og fengur sér allir fleiri en eina sneið! Útlit er nefnilega ekki allt.

Botn

1 bolli valhnetur
1 bolli pekanhnetur
1 bolli möndlur
1 1/2 bolli döðlur, steinlausar

1 1/2 bolli rúsínur

6 msk. kakó
2 msk. möndlumjólk
2 tsk. vanilludropar
Salt á hnífsoddi

Krem:
300 ml rjómi
100 g dökkt súkkulaði 
2 msk. kakó
10 dropar karamellustevía eða 1 msk. döðlusíróp.

Aðferð

Látið allar hneturnar í matvinnsluvél og blandið vel saman eða þar til þetta er orðið eins og gróft mjöl. 

Bætið afgangi af hráefnunum í blandarann og blandið þar til þetta er orðið að deigkúlu.

Mótið kökuna í sílíkonform með því að þrýsta deiginu niður og upp á barmana.

Setjið botninn í frysti á meðan fyllingin er útbúin.

Þeytið rjómann. Bræðið súkkulaðið og hellið saman við og bætið stevíudropunum við og kakóinu og hrærið saman.

Setjið kremið sem er í raun eins og súkkulaðifrauð – ofan á kökuna og skreytið með ferskum berjum og kakói.
mbl.is
Fleira áhugavert
Fleira áhugavert