Matur | mbl | 21.12.2017 | 17:02

Kökurnar sem kallast nafli alheimsins

Nafli alheimsins heita þessar girnilegu smákökur. Haraldur Jónasson / Hari

Við höldum áfram að deila uppskriftum úr smákökusamkeppni ársins sem að KORNAX stóð fyrir í nóvember. Við erum enn að jafna okkur á þeirri veislu enda var af nógu að taka. Þessar vöktu athygli - þó ekki síst fyrir frumlega nafngift en uppskriftin er nokkuð einföld og klárlega eitthvað sem allir ættu að ráða við. Það er Aðalsteinn G. Gestsson sem er höfundur uppskriftar.

Frétt af mbl.is

Smákökurnar sem rústuðu keppninni

Nafli alheimsins

220 g smjör við stofuhita
1 dl púðursykur
½ dl sykur
1 tsk. vanilla
1 egg
5 dl KORNAX hveiti
1 pakki Royal búðingur – vanillu
1 tsk. matarsódi
½ tsk. salt
1 poki súkkulaðidropar

Ofan á kökur:

Síríus súkkulaðismjör með heslihnetum
Síríus Pralín súkkulaði með karamellu
sjávarsalt
Síríus Konsum súkkulaði (bráðið)

Aðferð:

Þeytið smjör og sykur saman
Bætið við vanillu og eggi
Bætið þurrefnum saman við.
Mótið kúlur, súkkulaðismjörið fer inn í kúlurnar. Pralín súkkulaði og sjávarsalt fer ofan á kúlurnar.
Bakið við 180°C í ca. 15 mínútur.
Bræðið súkkulaði og látið renna af skeið ofan á kökurnar.