Eldhússystirin Kristín Snorradóttir gefur þessa uppskrift að ódýrum, góðum og barnvænum grænmetisrétti en hún er með matarbloggið eldhussystur.com ásamt systur sinni eins og nafnið gefur til kynna.
Takópæ
Bökubotn
- 3 dl hveiti
- 125 g kalt smjör, í bitum
- 2-3 msk kalt vatn
Fylling
- 1,5 dl rauðar linsur (puylinsur eða belugalinsur ganga einnig)
- 1,5 poki takókrydd (eða 1 poki og grænmetisteningur)
- 1 gulur laukur
- 1 lítil dós maís
- 1 dl tómatar í dós
- 1 dl sýrður rjómi
- 1 dl mjólk
- 3 egg
- svartur pipar
- 3 dl rifinn ostur, t.d. cheddar.
Aðferð:
- Setjið hveiti og smjör í matvinnsluvél. Vinnið þar til orðið að mylsnu. Bætið vatni út í þar til mulningurinn er orðinn að deigi. Setjið í bökuform og þrýstið deiginu út í formið. Kælið í ca 30 mín.
- Setjið ofninn á 200°C.
- Sjóðið baunirnar í vatni í 20 mínútur (eða skv. leiðbeiningum á pakkningum).
- Skerið laukinn smátt. Hitið olíu á pönnu. Brúnið laukinn. Stráið takókryddinu yfir og jafnvel örlítilli olíu í viðbót til að leyfa kryddinu að malla aðeins á pönnunni. Bætið baunum, maís og tómötum út í og hrærið.
- Þeytið sama sýrðum rjóma, mjólk, eggjum og svörtum pipar í skál. Setjið linsuhræruna út í og hrærið vel.
- Bakið bökudeigið í 10 mínútur. Setjið fyllinguna út í skelina að því loknu og stráið rifnum osti yfir. Bakið í ca 30 mín eða þar til fyllingin er orðin föst.
- Hún bar bökuna fram með salati, sósu (gerð úr takósósu og sýrðum rjóma) og flögum.
Hver getur staðist svona dásemd?
mbl.is/Eldhússystur