Fyrsti Blackbox-pizzastaðurinn opnar
Setja bókamerki
Í gær opnaði pizzastaðurinn Blackbox í Borgartúni í Reykjavík en hann býður upp á nýja upplifun í pizzum hér á landi. Staðurinn er hinn glæsilegasti en þar er einnig hægt að njóta drykkja í svölu umhverfi.
„Blackbox er ný upplifun í pizzum hér á landi og fyrsti Blackbox-staðurinn opnaði í Borgartúni í gær,“ segir Jón Gunnar Geirdal sem á staðinn ásamt Jóhanni Friðrik Haraldssyni og Karli Viggó Vigfússyni. „Staðurinn virkar þannig að þú velur af matseðli, breytir matseðli eða velur áleggin ofan á pizzuna úr borðinu fyrir framan þig og hún fer svo inn í einstakan ofninn sem eldbakar hana á aðeins tveimur mínútum.“
Að sögn Jóns Gunnars er Blackbox í anda staða sem ferðalangar þekkja frá Bandaríkjunum eins og Blaze Pizza, MOD, Pizza Rev, Pizzeria Locale og fleiri en staðir sem þessi hafa opnað víða og verið gríðarlega vinsælir frá því þessi tegund pizzastaða opnaði árið 2012 vestanhafs.
Myndlistarmaðurinn Jón Sæmundur Auðarson skreytti veggi staðarins með málverkum af öndum sem að sögn Jóns Gunnars vaka yfir staðnum.
„Blackbox er svo miklu, miklu meira en bara geggjaðar pizzur. Blackbox er fjölskylda, vinir, gaman, gleði, bros, njóta, drykkir og dans. Það á nefnilega að vera skemmtilegt að borða pizzu.“
Mun fara sparlega með málskotsréttinn
Ný staða uppi og óvissan meiri
Ísraelar hefna árásarinnar
Gerir ráð fyrir 150 samningum í næstu viku
Hægagangur og vaxandi ókyrrð
Sárt að horfa upp á illa meðferð fjármuna
Ofsóttur innan veggja Boeing
Færa slökkviliðið til nútímans