Hillur eða skápar? Þegar stórt er spurt vill svarið gjarnan þvælast fyrir manni enda er þetta mikilvæg spurning. Á að hafa skápa eða hillur?

Húseigendur í þessari íbúði í Kanada fóru hins vegar millileiðina og létu sérsmíða fyrir sig skápa sem eru í senn hillur eins og sjá má á myndunum. Skápunum blanda þau saman við hefðbundna skápa frá IKEA sem búið er að sprauta í nýjum lit og annarri áferð.

Borðplatan er síðan úr portúgölskum marmara sem kemur sérlega vel út. Hugvit og góður smekkur fara hér vel saman.