Hægeldaður lambaskanki

Lambaskanki

• 4 stk. lambaskankar
• 2 stk. lambateningur
• 2 stk. hvítlauksgeirar
• 5 stk. svört piparkorn
• 1 stk. lárviðarlauf
• 400 ml rauðvín

• Vatn

Skankarnir eru settir í eldfast mót og brúnaðir í 230°C heitum ofni í 15 mínútur. Lambaskankarnir eru síðan settir í pott ásamt rauðvíni og vatni, þannig að það fljóti nánast yfir skankana, lok sett á pottinn og hann settur inn í 80°C heitan ofn í 12 klukkustundir.

Rauðvínssósa

• Soðið af skönkunum
• 50 gr. smjör
• Salt

Soðið af skönkunum er sigtað, fært yfir í annan pott, og soðið niður þangað til um það bil 200 ml eru eftir. Síðan er köldu smjöri, sem skorið hefur verið í teninga, bætt út í soðið smám saman. Mikilvægt er að hræra stöðugt í sósunni á meðan verið er að bæta smjörinu út í hana. Þegar allt smjörið er komið saman við soðið er sósan tilbúin og ekkert eftir nema að smakka hana til og bæta salti í hana eftir þörfum.

Blómkál

• Blómkálshaus
• Olía
• Salt

Snyrtið blómkálshausinn, nuddið hann með olíu, stáið salti yfir hann og bakið hann síðan við 180°C í 25 mínútur.

Vorlaukur

• Vorlaukur
• Olía
• Salt

Vorlaukurinn er steiktur á pönnu í 5 mínútur með olíu og salti.