Það eru sjálfsagt margir farnir að huga að veitingum fyrir komandi fermingartíð og þó nokkrir sem hafa hugsað sér að ráðast í það skemmtilega verkefni að baka kransaköku. Slíkt þykir ægilega vandað og aðdáunarvert enda ekki á allra færi.
Halldór Kristján Sigurðsson, súkkulaðiséní hjá The Chocolate Trailer og bakari, kennir okkur hér réttu handtökin við gerð kransaköku og með hans aðstoð ætti hvaða amatör sem er að geta galdarað fram svo mikið sem eina kransaköku sem á eftir að trylla lýðinn.
Kransakaka
Kransakökudeig:
Aðferð:
Massa og sykri er hrært saman, eggjahvítum síðan bætt út í, massinn á að vera svolítið stífur.
Gerð köku:
Massanum er síðan skipt í 5 til 6 jafna hluta sem síðan er rúllað út í 50-70 cm lengdir hvert stykki. Næst er pressað ofan á lengjuna með hendinni þannig að rúllan verði u.þ.b. þríhyrnd á borðinu, við þetta lengist útrúllaða stykkið aðeins og er það eðlilegt.
Næst er tekið upp málband og lengjan mæld, fyrsti hringurinn á að vera 8 cm næsti 11 cm o.s.frv., alltaf bætt við 3 cm þannig að u.þ.b. 11-13 hringjum er náð, þegar búið er að móta alla hringina úr lengjunum er þeim raðað á bökunarplötu. Að lokum er síðan þrýst ofan á hringina með bökunarplötu eða sléttu áhaldi þannig að hringirnir verði sléttir að ofan.
Bakstur hringjanna: Í heimilisofni ætti að vera að í lagi að baka við 170-180c í 7-12 mín. í blæstri, það þarf að fylgjast vel með bakstrinum, helst horfa á hringina bakast og snúa reglulega plötunum í ofninum því oft vilja ofnar baka misjafnt. Þegar kakan er orðin köld má frysta hana, taka má kökuna úr frosti 1-2 dögum áður en veisla er haldin, skreytt síðan að vild.
Glassúr:
Súkkulaðiskraut: