Flest erum við hrifin af öllum þeim hjálpartækjum sem í boði eru – ekki síst ef þau aðstoða okkur við gerð hinnar fullkomnu máltíðar.
Á vef vínbúarðinnar er boðið upp á hið svokallaða „hjálpartæki matarástarinnar“ sem er forrit sem aðstoðar viðskiptavininn við að finna rétt vín fyrir máltíðina. Þar er hægt að velja tegund, verðflokk og síðan þann mat sem drekka á vínið með.
Vínbúðin hefur verið ötul við að bjóða upp á alls kyns fróðleik fyrir vínunnendur og þetta „hjálpartæki“ eins og það er kallað kemur að góðum notum og er mjög svo í anda fræðslustefnunnar sem þar er rekin en hjá Vínbúðinni starfa sérfræðingar í vínum sem leitast við að liðsinna viðskiptavinum eftir bestu getu.
Hægt er að fara inn á vef Vínbúðarinnar hér.