Tortellini með grænmeti og hvítlauks-rjómasósu

Tortellini í rjómasósu.
Tortellini í rjómasósu. Árni Sæberg

Þessi uppskrift hljómar eiginlega of vel. Djúsí og holl og sérlega viðeigandi við hvert tilefni. Það er Linda Ben sem á heiðurinn af uppskriftinni og eins og venjulega stendur hún undir væntingum. Dásamlega djúsí og sérlega viðeigandi.

Tortellini með grænmeti og hvítlauks-rjómasósu

fyrir 3
  • 250 g tortellini, fyllt með osti
  • 1 msk. olía og salt
  • 125 g sveppir
  • 1 rauð paprika
  • 1/2 rauðlaukur
  • 1 msk. smjör
  • 100 g spínat
  • 2 hvítlauksgeirar
  • 250 g matreiðslurjómi
  • örlítill sósuþykkir
  • salt og pipar
  • 100 g rifinn ostur

Aðferð:

  1. Sjóðið pastað samkvæmt leiðbeiningum.
  2. Steikið rauðlaukinn á pönnu upp úr olíu, skerið sveppina niður og steikið þá upp úr 1 msk. af smjöri. Skerið paprikuna niður og steikið hana. Skerið hvítlaukinn smátt niður og steikið hann.
  3. Hellið rjómanum út á grænmetið, smakkið til með salti og pipar og bætið örlitlu af sósuþykki út á til að fá réttu áferðina á sósuna, best að byrja mjög lítið og auka svo hægt og rólega.
  4. Bætið spínatinu út í sósuna og sjóðið í 1 mín. Kveikið á ofninum og stillið á grillið.
  5. Setjið pastað í eldfast mót, hellið sósunni yfir og dreifið rifnum osti yfir. Setjið réttinn inn í ofninn og grillið þar til osturinn er alveg bráðnaður og rétt byrjaður að brúnast.
Matgæðingurinn og fagurkerinn Linda Ben.
Matgæðingurinn og fagurkerinn Linda Ben. Árni Sæberg
mbl.is