Stórkostlegt eggjapartý sem enginn má missa af
Setja bókamerki
Sýningin Allir fuglar úr eggi skríða er óður til eggja verður opnuð þann 15. mars og stendur fram til 18. mars. Þetta er mögulega einn mest spennandi viðburður sem boðið verður upp á hér á landi næstu misserin – eða því sem næst.
Teflt er saman teikningum Ránar Flygenring og Benedikts Gröndal af fuglum og eggjum í innsetningu Birnu Geirfinnsdóttur. Omnom kynnir sérlöguð súkkulaðiegg í ólíkum formum, Reykjavík Letterpress verpir nokkrum nýjum eggjum, Bjarni Sigurðsson leirlistamaður frumsýnir eggjabikara með aðstoð landnámshænu og bókaútgáfan Angústúra opnar eggjabókasafn.
Á opnuninni verður boðið upp á ætilegan eggjagjörning í boði Áslaugar Snorradóttur og á meðan á sýningunni stendur verður opin flórgoðagrímusmiðja fyrir börn á öllum aldri. Hjörleifur Hjartarson, annar höfundur bókarinnar FUGLAR, heldur svo fyrirlestur um egg laugardaginn 17. mars kl. 13:00.
Egg er upphaf alls, alheimurinn, sköpunarkrafturinn og hringrás lífsins, egg er ungi, ommeletta, majónes og marengs, segir meðal annars í tilkynningu og ljóst að enginn má missa af þessum viðburði.
Facebook-síðu sýningarinnar er hægt að nálgast hér.
Æskuvinur Íslendings myrtur í Noregi
Handtekin eftir að tvö börn fundust látin
„Á réttri leið en nokkuð í land ennþá“
Handteknir eftir myndatöku í Vesturbæjarlaug
Hernaðaraðstoð samþykkt – Vopnasendingar í vikunni
Verðbólgan komin niður í 6%
Vona að Orkustofnun veiti ekki virkjunarleyfi