Þetta fallega eldhús er að finna í uppgerðu húsi við ána Thames á Englandi. Eigendurnir vildu hafa eldhúsið í dökkum litum og var sami litur notaður bæði á veggi og innréttingar.

Eins voru eldhústæki að mestu falin inni í skápum þannig að eldhúsið er afar stílhreint og skemmtilegt.

Kósíheitin eru mikil en gæðin sjást í gegn. Borðplöturnar eru úr harðviði og vaskarnir úr kopar. Eyjan er síðan upprunaleg úr húsinu en búið er að taka hana í gegn eftir kúnstarinnar reglum.

Það er breska hönnunarfyrirtækið deVOL sem á heiðurinn af hönnuninni sem vakið hefur mikla athygli enda sérlega falleg.