Hversu oft áttu að skipta á rúminu?

Rúm getur fljótt orðið gróðrarstía fyrir bakteríur og aðra óværu.
Rúm getur fljótt orðið gróðrarstía fyrir bakteríur og aðra óværu. mbl.is/Thinkstockphotos

Það gefur augaleið að það er fremur mikilvægur hluti af hreinlegu heimilshaldi að skipta reglulega um rúmföt. Ef maður veltir því fyrir sér þá skiptum við iðulega um föt eftir eitt eða tvö skipti og fæst færum við í sama bolinn oftar en einu sinni.

En hver er þumalputtareglan með rúmföt? Samkvæmt Business Insider framleiðum við tæplega 100 lítra af nætursvita árlega sem er töluvert. Þessi raki, í bland við húðflögur, skapar ákjósanlegar aðstæður fyrir bakteríur, sveppi, vírusa og ónæmisvalda.

Örverufræðingurinn Philip Tierno sem starfar við New York-háskólann sagði í vitali við Business Insider að rúmin okkar geti auðveldlega breyst í gróðrarstíu fyrir alls kyns óværu og því sé nauðsynlegt að þvo rúmfötin reglulega á háum hita og æskilegt sé að skipta ekki sjaldnar en vikulega.

Þetta fer auðvitað eftir mann- og líkamsgerð. Sumir vilja skipta oftar en aðrir og svo er munur á því hvernig við svitnum á nóttunni, hvert hitastigið er í herberginu og svo framvegis.

En við getum verið sammála um að eigi skuli skipta sjaldnar en vikulega og þar höfum við það.

mbl.is