Grillað ribeye með ponzu

mbl.is/Haraldur Jónasson/Hari

Garðar Aron Guðbrandsson á Mathúsi Garðabæjar er meistarakokkurinn í Fimm eða færri áskoruninni að þessu sinni. Hér gefur að líta afar spennandi útkomu en þetta er grillað ribeye sem er í uppáhaldi hjá ansi mörgum og með ponzu sem við hvetjum ykkur eindregið til að prófa ef þið hafið ekki gert það nú þegar.

Garðar skorar á sjálfan Karl Óskar hjá Le KocK.

Grillað ribeye með ponzu

Ribeye

  • Vel fitusprengt ribeye
  • Salt og pipar
  • Olía og soya

Kjötið er skorið í steikur og kryddað vel með soya, salti og pipar. Olía sett á rétt fyrir grillun.

Grillað grænmeti

  • Brokkolí
  • Bok choy
  • Laukur
  • Olía, salt og sítróna

Allt er skorið svona frekar gróft, bok choy er skorið í fleyga, laukur í tvennt og dressað í vel af hlutlausri olíu, salti og sítrónu. Gott að setja laukinn fyrst þar sem hann þarf lengstan tíma og vel af olíu svo það kveikni aðeins í grillinu og þetta brenni smá.

Ponzu með brúnuðu smjöri

  • 150 g soya
  • 150 g sítrónusafi
  • 100 g smjör
  • 2 shallot laukar
  • 1 rif hvítlaukur
  • smá saxað chilli

Laukur og chilli er saxað fínt niður, hvítlaukur rifinn og blandaður við soya og sítrónusafann. Rétt fyrir service er smjörið brúnað í potti yfir meðalhita. Gott er að hræra reglulega í því svo hratið verði ekki eftir í botninum. Þegar hratið fer að verða dökkbrúnt er smjörinu hellt heitu yfir ponzuið og hrært vel í.

Garðar Aron Guðbrandsson á Mathúsi Garðabæjar.
Garðar Aron Guðbrandsson á Mathúsi Garðabæjar. mbl.is/Haraldur Jónasson/Hari
mbl.is/Haraldur Jónasson/Hari
mbl.is