Matseðill vikunnar mættur
Setja bókamerki
Vikumatseðillinn er útpældur eins og venjulega en aðaltíminn í undirbúningi hans fer í að liggja yfir veðurspám.
Því miður blæs ekki byrlega fyrir landsmönnum þó að íbúar á suðvestur horninu og á suðurlandi geti glast í dag. Annars er bara suddi og almenn leiðindi framundan og ber matseðillinn þess glögglega merki.
Mánudagur: Notum tækifærið (að minnsta kosti sunnanlands) meðan veðrið er gott og grillum góðan fisk.
Þriðjudagur: Það er farið að halla undan fæti svona veðurfarslega séð þannig að við skulum halda okkur við fiskinn en hella smá rjóma út á hann.
Miðvikudagur: Það ætlaði allt um koll að keyra þegar við birtum þessa uppskrift og ljóst að landinn er sólginn í sveppapasta enda dásamlega bragðgott.
Fimmtudagur: Hér erum við að tala um taco lasagna sem ærir óstöðuga. Það er eitthvað svo merkilega einfalt og bragðgóð við þetta fullkomna hjónaband Ítalíu og Mexíkó.
Föstudagur: Það er pístsukvöld og ekkert sem fær því breytt.
Laugardagur: Það segir reyndar í uppskriftinni að það eigi að hægelda svínakjöt í 100 ár en við mælum með því að þið farið út í búð, kaupið kjötið eldað, kryddið það sjálf og takið þetta svo alla leið. Hreinræktaður lúxús subbumatur sem friðar sálina.
Sunnudagur: Til samræmis við inniveðrið ætlum við að hægelda lambaskanka í allan dag og finna hvernig lyktin gerir allt betra.
Kostnaður meiri en milljón á fermetra
Skiptir miklu meira máli en fólk grunar
Æskuvinur Íslendings myrtur í Noregi
Shakespeare fannst í skókassa
Árshátíð ríkislögreglustjóra haldin í Tékklandi
Skar höfuðleðrið af íslenskri konu
„Umsátursástand“
Gígbarmurinn hækkað frá því í gær