Múffur með kókos og banönum
Ásdís Ásgeirsdóttir
Setja bókamerki
Þessar múffur ættu að slá í gegn á einhverjum heimilum enda framúrskarandi blanda af góðgæti þar á ferð. Svo má færa sannfærandi rök fyrir því að þær séu bráðhollar enda stútfullar af ávöxtum alls kyns fíneríi.
Uppskriftin kemur úr smiðju meistaranna í Emily and the cool kids.
Múffur með kókos og banönum
Fyrir 6 múffur
- 120 g eplamauk án viðbætts sykurs
- 80 ml fljótandi kókosolía
- 120 ml jurtamjólk (möndlu, kókos, soja, hafra o.s.frv.)
- 240 g hveiti
- 100 g kókosflögur eða kókosmjöl, eftir smekk
- 160 g púðursykur
- 2 þroskaðir bananar
- 1 msk. lyftiduft
Aðferð:
- Fyrir þessa uppskrift er notast við múffuform úr sílikoni í stærri kantinum. Það má nota minni form, en athugið að bökunartíminn styttist við það og þarf að fylgjast vel með.
- Forhitið ofninn í 170 °C.
- Léttristið kókosflögurnar í ofninum þar til þær eru gylltar. Fylgjast þarf vel með svo að þær brenni ekki. Kælið.
- Blandið eplamauki, olíu og mjólk saman í skál.
- Blandið hveiti, sykri, lyftidufti, kókosflögum (eða mjöli) og grófhökkuðum banönum í aðra stærri skál.
- Hellið vökvanum yfir þurrefnablönduna og hrærið þar til allt er orðið vel sameinað.
- Dreifið deiginu í múffuformið og stráið því næst kókosmjöli yfir.
- Bakið við 170 °C í 25-30 mínútur. Kökurnar eru tilbúnar ef hnífsoddur sem stungið er í þær miðjar kemur út þurr.
- Njótið með góðum heitum drykk eða mjólkurglasi.
Markaðurinn hitnar og leiguverð hækkar hratt
Innviðir þandir og álagið „gríðarlegt“
Benda á Samgöngustofu sem bendir út í heim
„Tíminn er runninn út fyrir Kristján Loftsson“
Kvikan virðist nú skiptast til helminga
Hjón sluppu með skrekkinn
Ofsóttur innan veggja Boeing
Mikil skjálftavirkni á landinu áhyggjuefni