Léttvín eru vinsæl hér á landi þrátt fyrir að bjórinn beri höfuð og herðar yfir aðrar tegundir í sölu. Okkur lék forvitni á að vita hvaða lönd væru vinsælust hér á landi en athygli vekur að Ítalía trónir á toppnum með tæpa 16 þúsund lítra selda á mánuði á meðan Þjóðverjar eru í öðru sæti með tæpa 10 þúsund lítra. Það er því ljóst að Ítalir eru með mikið forskot á samkeppnislönd sín en til gamans má geta þess að á sama tímabili seldust 737 þúsund lítrar af íslenskum bjór.
Ítalía: 15.734 lítrar
Þýskaland: 9.674 l.
Spánn: 9.116 l.
Chile: 8.320 l.
Bandaríkin: 4.158 l.
Frakkland: 3.919 l.
Suður-Afríka: 2.794 l.
Argentína: 2.454 l.
Ástralía: 1.790 l.
Portúgal: 416 l.
Heimild: Vínbúðin