Partýréttur sem passar við öll tækifæri

Snjallar, einfaldar og sjúklega girnilegar tostadas.
Snjallar, einfaldar og sjúklega girnilegar tostadas. mbl.is/Kristinn Magnússon

Það er komið að næsta áskoranda í Fimm eða færri og að þessu sinni er það Magnús Már Byron Haraldsson sem er einn eigenda og jafnframt matreiðslumaður á veitingastaðnum RIO REYKJAVIK sem var nýlega opnaður við gömlu höfnina í Reykjavík. Á RIO er matseldin undir áhrifum frá Suður-Ameríku, einna helst Perú, Mexíkó og Brasilíu og leitast er við að nota sem mest ferskt, íslenskt hráefni í suðrænum og nýstárlegum búningi, matreitt á nýjan og spennandi hátt.

„Þar sem sumarið er að byrja fannst mér við hæfi að koma með léttan og sumarlegan rétt sem kallast tostadas. Tostadas er í raun ekkert annað en ristuð tortilla með mismunandi hráefni ofan á. Tostadas dregur nafn sitt frá orðinu „toasted/ristaðar“ og þess vegna er tortillan stökk. Þær voru fyrst gerðar til að forðast matarsóun þegar tortillurnar voru ekki nógu ferskar til að nota í taco. Þá var farið að rista þær eða grilla. Þessi réttur passar við öll tækifæri og er hægt að útfæra hann hvernig sem mann lystir, en hér koma mínar hugmyndir að tostada,“ segir Magnús.

Hráskinka og geitaostur

  • Hráskinka
  • Mjúkur geitaostur
  • rucola
  • Sultaðar fíkur eða fíkjusulta

Aðferð:

Tortillan ristuð eða grilluð, pensluð með ólífuolíu, geitaosturinn smurður á tortilluna, rucola stráð yfir, skinkunni raðað ofan á og fíkjusultunni smurt yfir, skemmir ekki fyrir að rífa parmesan yfir í lokin.

Grillaður kjúklingur með mangó

  • Kjúklingur
  • Tómatpestó
  • Rucola
  • Tortilla
  • Mangó

Aðferð:

Ristuð eða grilluð tortilla smurð með tómatpestó, kjúklingnum, mangóinu og rucola stráð yfir.

Humar og epli

  • Steiktur humar
  • Hvítlauksrjómaostur
  • Græn epli
  • Rucola
  • Tortilla

Aðferð:

Ristuð tortilla smurð með hvítlauksrjómaosti, rucola sett ofan á, steiktum humrinum raðað ofan á og eplum stráð yfir, ágætt að dressa eplið í sítrónusafa.

Magnús Már Haraldsson á RIO Reykjavík.
Magnús Már Haraldsson á RIO Reykjavík. mbl.is/Kristinn Magnússon
Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.990 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »