Hlynsírópsbeikon

• 1 pakki beikon
• 1/3 bolli hlynsíróp
• ½ bolli púðursykur   

Aðferð

1. Hitið ofninn í 200 gráður. Setjið hlynsíróp í skál og takið fram pensil.
   
   
2. Raðið beikoninu hlið við hlið á ofngrind og setjið ofnskúffu með bökunarpappír undir til að grípa fituna. Bakið í 15-20 mínútur eða þar til beikonið er rétt að verða stökkt.
   
   
3. Takið beikonið út og penslið eina hlið með hlynsírópsblöndunni og stingið aftur inn í ofn í 2-3 mínútur. Endurtakið svo leikinn með því að taka beikonið aftur út og snúa því við. Penslið hina hliðina með sírópsblöndunni og setjið aftur inn í ofn í 2-3 mínútur eða þar til beikonið er orðið stökkt og glansandi.
   
   
4. Sumir vilja sáldra smávegis af svörtum pipar eða cayenne-pipar á beikonið fyrir kitlandi kryddbragð, en það er þá best að gera strax eftir að sírópsblöndunni hefur verið penslað á.
   
   
5. Takið beikonið út og leyfið því að standa í um eina mínútu svo að sykurbráðin nái að harðna ofurlítið utan á beikoninu og njótið svo í botn.