Flestir kannast við svona eldhúsinnréttingu þegar að er gáð. Til siðs hefur verið að rífa gamla dótið út og skella inn glænýju eldhúsi sem oft rúmast ekki jafn-vel inni í rýminu og þessar innréttingar gerðu.
Séu þær heilar á annað borð má vel gera þær upp og hér gefur að líta einstaklega vel heppnaða útgáfu af þess háttar yfirhalningu á sænskri fasteignasölu – hvorki meira né minna.
Eldhúsið er að finna í 35 fermetra íbúð sem er sérlega skandinavískt og sérlega fallegt. Við elskum hvernig innréttingin er máluð og hvernig flísarnar koma út.
Æðisleg lausn og vonandi hugsa einhverjir sig um áður en þeir henda út gamla gullinu.