Götumatur frá Víetnam

„Vinsælastar á víetnamska veitingastaðnum Go Cuon eru ferskar kínarúllur, djúpsteiktar örstutt, og vorrúlla með fersku grænmeti og annaðhvort með kjúklingi eða rækjum. Utan um það er glær pönnukaka en svo dýfir maður þessu í sósu,“ segir eigandinn Karen Lien Thi Nguyen, sem nýtur þess að sýna gestum og gangandi götustemninguna frá heimalandi sínu, en í Víetnam er götumatur mjög vinsæll.