Einfaldur appelsínulax á grillið

mbl.is/TM

Eins og tíðin er má allt eins steikja laxinn á pönnu en örvæntið eigi - bragðið mun bæta geðheilsuna til muna. Hér gerir appelsínan gæfumuninn en í bland við hunang verður útkoman hrein unaðsleg svo ekki sé fastar að orði kveðið. 

Algjör negla og bráðholl!

Einfaldur appelsínulax á grillið

fyrir 4 

  • 1 kg lax, beinhreinsaður með roði, skotin í bita 
  • 3 msk marmelaði (ég nota þetta sykurlausa með berkinum frá St. Dalfour 
  • 3 msk appelsínusafi 
  • 1 msk hunang
  • 1/6 tsk chillíflögur í kvörn (chillí exploision)
  • 1/2 tsk salt

AÐFERÐ:

  1. Raðið laxinum á fat.
  2. Setjið öll hráefnin í krukku og hristið. 
  3. Dreifið yfir bitana og látið marinerast í að lágmarki 30 mín. 
  4. Grilli með roðið upp í 2 mínútur og snúið svo og grillið í aðrar 2 mínútur. Best er að notast við grillmottu.
  5. Grillið við þar til fiskurinn tekur ljósari lit. Ætti að taka um 4-5 mínútur í heild en fer eftir grillum,þykkt fisksins og hita.
  6. Berið fram með góðri kaldri sósu, hrísgrjónum og salati. T.d má gera sósu úr grísku jógúrti, marmelaði, fersku kóríander eða sítrónu melissu , salti og smá hunangi.
Mottan kemur í veg fyrir að fiskurinn molni niður og ...
Mottan kemur í veg fyrir að fiskurinn molni niður og detti á milli grindanna. Sérlega heppilegt þegar fiskurinn er laus í sér. mbl.is/TM
Þetta lítur allt saman ákaflega vel út.
Þetta lítur allt saman ákaflega vel út. mbl.is/TM
mbl.is